Oskar Wilde rikthen Edith Mihalin

Do të këndojë sopranoja e vjetër, Edith Mihali. Ka kohë që ajo nuk është ngjitur në skenë. Ndërsa pas kaq kohësh do ta shohim duke kënduar me libretin e Oskar Wilde “Salome” të Strausit në TOB. Por ajo çfarë të bën përshtypje është se në krah të Edithit do të jetë sopranoja e re Sonila Baboçi. Dikur e preferuar e sopranos së madhe, ndërsa tani duket se krah saj Baboçi do të promovohet, duke na kujtuar koncertet e mëdha, ku mjeshtri i jep dorë famës së një këngëtari të ri. Kështu po bën si duket Mihali. Në veprën “Salome” me muzikë të kompozitorit austriak Richard Strauss dhe libret sipas shkrimtarit irlandez Oscar Wilde sopranoja do të interpretojë bashkë me një kastë të gjerë artistësh nën regjinë e Patrizia Panton, një prej shumë të ftuarve në këtë premierë. Kështu gjatë kësaj jave në Teatrin Kombëtar të Operës dhe Baletit në Tiranë do të shfaqet opera “Salome”. Vepra vihet premierë në skenën e TOB, e cila është një opera me një akt. Skenografi vjen nga Platon Bardhi, ndërsa si koreograf kontribuon Denis Ganio.

Kush është Salome

Salome ka qenë e famshme për kërcimin e saj të shtatë vellove, që zakonisht përshkruhet si kërcimi i Salomesë. Ky kërcim është shumë oriental ne orkestrimin e tij. Gjatë këtij kërcimi Salome heq me ngadalë të shtatë vellot që mbulojnë shtatin e saj, duke rënë e zhveshur në këmbët e Gjon Pagëzorit. Pastaj ajo kërkon kokën e profetit në një sini të artë. Kurse tani njihet më mirë si një operë me një finale shokuese, gjatë së cilës princesha Salome deklaron dashurinë e saj për kokën e rreptë të Gjon Pagëzorit. Interpretojnë Sonila Baboçi, Edith Mihali, Lindita Kola, Oltion Mëhilli, Gilmond Myftari, Erlind Zeraliu, Denis Skura, Elson Braha, Eduard Sokoli, Armando Likaj, Genci Vozga, Pandush Koko, Rezarta Qevani, Sokol Hidersha etj. Opera do të shfaqet në datat 15, 17, 19 dhe 21 nëntor në Teatrin Kombëtar të Operës dhe Baletit.

Gjithçka fillon që nga pamjet e një tarrace të madhe në pallatin e Herodit, e vendosur mbi sallë. Disa ushtarë janë përkulur mbi ballkon. Në të majtë të tyre gjendet një shkallë gjigande e vjetër, një cisternë e rrethuar nga një mur bronzi e gjelbër. Hëna po ndriçon me shumë shkëlqim. Narraboth vështron nga tarraca në pallatin e Herodit në sallën e banketit princeshën e bukur Salome, me të cilën ai ka rënë në dashuri. Zëri i Jochanaan, pejgamberi dëgjohet nga i burgosuri i tij në pallatin e rezervuar, ndërsa Herodit kishte frikë prej tij, ndërkohë që kishte urdhëruar që askush nuk duhet ta kontaktojë atë, duke përfshirë këtu edhe Priftin e Lartë të Jeruzalemit.

Oscar Wilde fillimisht e ka shkruar operën e tij “Salome” në frëngjisht. Strauss e pa lojën në versionin Lachmann dhe vendosi menjëherë për ta përpunuar në një opera. Strauss e ka kompletuar operën në gjuhën gjermane. Ndërkohë, ky është një version që e ka bërë të njohur gjerësisht veprën në fjalë. Megjithatë, Strauss ka realizuar në të njëjtën kohë edhe një version alternativ në gjuhën frënge, i cili është më pak i njohur sot, edhe pse Kent Nagano e ka regjistruar atë në Virgin Classics me Karen Huffstodt me rolin kryesor dhe José Pamjeje për Dam si Jochanaan.