PBB per fryme, raport ne BE

Prodhimi i Brendshem Bruto per fryme do te raportohet ne Komisionin Evropian. Drejtore e Institutit te Statistikave Shqiptare, Ines Nurja, tha dje, gjate prezantimit te programit 5-vjecar te Statistikave Zyrtare ne Komisionin e Ekonomise, se Shqiperia do te dergoje ne KE, PBB-ne e saj per fryme te harmonizuar me nivelin e vendeve te BE-se. "Nje nder detyrimet qe rrjedhin nga Marreveshja e Stabilizim-Asocimit per INSTAT-in eshte se brenda 5 vjeteve nga hyrja ne fuqi e MSA-se, Shqiperia do te dergoje ne Komisionin e Komunitetit Evropian, PBB-ne e saj per fryme te harmonizuar me nivelin e vendeve te Bashkimit Evropian", u shpreh Nurja.
Sipas saj, ne objektivat e legjislacionit ne fushen e statistikes vihet theksi ne arritjen e standardeve te parimeve te OKB-se, legjislacionit evropian statistikor dhe forcimin e INSTAT-it, me qellim sigurimin e nje sistemi efikas dhe te qendrueshem statistikor i afte te ofroje te dhena objektive e te sakta per te planifikuar e ndjekur procesin e reformave.