PD: Edhe në 2009-n Rama fitonte deri në këto momente, pastaj e përmbysëm rezultatin

Partia Demokratike për herë të parë e ka pranuar se po humbet. Megjithatë, gjatë një dalje për shtyp, Gerti Bogdani ka thënë se PD do ta përmbysë rezultatin. Sipas tij, edhe në zgjedhjet e 2009-s, Rama udhëhiqte deri në këto momente, ndërsa më pas rezultati u përmbys nga PD-ja.

Partia Demokratike dëshiron që të falenderojë gjithë komisionerët dhe numëruesit e votave, të cilët kanë bërë dhe po bëjnë një punë shumë të mirë.

Ne vazhdojmë që të besojmë se do të jemi fitues. Këtë e bazojmë në rezultatet e fundit, të cilat tregojnë se mund të përmbysin rezultatin.

Nuk duhet të harrojmë që në këtë kohë në vitin 2009 Edi Rama proklamonte fitoren, por në fakt ai humbi. Nuk duhet të harrojmë gjithashtu, që në këtë kohë, në vitin 2011 Edi Rama proklamonte përsëri fitoren, por përsëri mbeti në opozitë.

Ne u bëjmë thirrje të gjitha forcave politike të vazhdojnë një proces të qetë dhe të rregullt të numërimit të votave dhe të mos bllokojnë procesin. E përsërisim, asnjë forcë politike nuk duhet të bllokojë procesin, sepse qytetarët duhet të shohin të gjitha votat e tyre të numëruara, sa me shpejt dhe saktë, tha Gerti Bogdani./b.l