PD: Korrigjime ne strukturat lokale
Partia Demokratike do te rizgjedhe ne 12 dhjetor forumet e saj drejtuese, duke nisur qe nga kryetari, anetaret e Keshillit Kombetar te kesaj partie dhe sekretariati drejtues. Po keshtu pritet qe ne muajin dhjetor te kete edhe ndryshime te statutit te kesaj partie. Kete e vendos kryesia e partise me te madhe ne mazhorancen, e cila u mblodh mesditen e djeshme, e drejtuar nga kryetari i PD-se, njekohesisht kryeminister, Sali Berisha. Nga ana tjeter Kuvendi Kombetar Zgjedhor do te jete akti final i procesit te analizave, per zgjedhjet e pergjithshme te 28 qershorit, si dhe i zgjedhjes se anetareve te Keshillit Kombetar, te Partise Demokratike, ne kuvendet e degeve. Nisur nga kjo, ky Kuvend zgjedhor pritet te sjelle nje mundesi per te bere korrigjime, per menyren se si kreret vendore te PD-se jane perballur me zgjedhjet parlamentare te 28 qershorit. "Keto analiza do te shoqerohen me te gjitha korrigjimet e nevojshme, ne drejtimin e strukturave lokale, per te menjanuar defektet e mundshme te verejtura, ne zgjedhjet e 28 qershorit", theksoi zedhenesja e Partise Demokratike, Erla Mehilli, pas perfundimit te mbledhjes se kryesise se demokrateve. Nisur nga mbajtja e ketij Kuvendi, kryesia e PD-se ne plotesim te detyrimeve statusore, vendosi ngritjen e Komisionit te Organizimit dhe Kontrollit te Operacioneve Elektorale te Partise, nen drejtimin e nenkryetarit te PD-se, Astrit Patozi, si dhe te Komisionit per Rishikimin e Statutit, te kryesuar nga sekretari i Pergjithshem Ridvan Bode. Po keshtu, kryesia e PD-se shprehu bindjen e plote se, ky proces zgjedhor do te fuqizoje me tej Partine Demokratike, ne te gjitha nivelet dhe perben nje moment te rendesishem te bazes elektorale dhe perfaqesimit publik te Partise Demokratike. Kuvendi zgjedhor i PD-se eshte forumi me i madh i demokrateve, i cili sipas statutit mblidhet nje here ne kater vjet, per te zgjedhur kryetarin e kesaj partie dhe anetaret e Keshillit Kombetare. Mbajtja e zgjedhjeve parlamentare te ketij viti e detyroi Partine Demokratike ta mbante kete Kuvend, ne fund te vitit dhe beri qe ne muajin maj te mbahej vetem Kuvendi elektoral i PD-se. Perpara zgjedhjeve parlamentare ne vend, PD ju nenshtrua procesit te zgjedhjes se kryetareve te rinj, ne cdo dege te vendit. Ne kete menyre demokratet kerkuan qe fushata zgjedhore, ne cdo zone te vendit te zhvillohej ne nje fryme te re dhe me energjike se me pare. Me mbledhjen e Kuvendit zgjedhor te dhjetorit, PD kerkon konsolidimin e forumeve te saj zgjedhore per kater vitet e ardhshme, kohe e cila perkon edhe me mandatin e dyte te demokrateve ne qeverisje. F.Mejdini