PD: Rama synon permbysjen e qeverise

Pak dite para uljes ne tryezen e presidentit Topi per zgjidhjen e krizes, Partia Demokratike akuzon kreun e PS, Edi Rama se po synon permbysjen e qeverise nepermjet dhunes. Ne nje konference per shtyp, deputeti i Qarkut te Lezhes, njeheresh anetar i Keshillit Kombetar te PD, Edi Paloka akuzoi kryesocialistin per vullnet te munguar per te zbatuar, sic tha ai, rezoluten e Keshillit te Evropes dhe se gjithe synimi i tij eshte marrja e pushtetit ne tavoline. "Kryetari i Partise Socialiste, Edi Rama, po deshmon edhe nje here tjeter se zgjedhja dhe percaktimi i tij eshte politika e rruges dhe jo institucionet demokratike dhe shteti ligjor. Me qendrimet e diteve te fundit ai po u tregon te gjitheve se nuk ka aspak ndermend te zbatoje kerkesat e qarta te rezolutes se Asamblese Parlamentare te Keshillit te Evropes per futjen e opozites ne Parlament dhe per ngritjen e nje komisioni hetimor, qe duhet te respektoje vendimet e Gjykates Kushtetuese", eshte shprehur dje deputeti demokrat. Njeheresh ai ka nenvizuar se "tashme po behet perhere e me evidente se pushteti ne tavoline eshte e vetmja gje qe kerkon dhe e vetmja gje qe mund ta kenaqe Edi Ramen. Dhe gjithmone ne funksion te kesaj aventure absurde ai duket se e ka marre me gjakftohtesi vendimin per djegien e mandateve te deputeteve te Partise Socialiste". Por nga ana tjeter, kreu socialist eshte akuzuar se kerkon permbysjen me dhune te qeverise. "Fakti qe Edvin Kristaq Rama, po kerkon permbysjen e qeverise jo nepermjet zgjedhjeve dhe votes se lire, do te thote se mentaliteti marksist i baballareve eshte ende i gjalle tek cunat e rinj te Bllokut", theksoi Paloka. Sipas demokrateve, Rama duhet te harroje se nepermjet kercenimeve per protesta dhe dhune mund te impresionoje njeri, aq me teper demokratet qe sipas tij kane treguar se jane ne rrugen e tyre te drejte, ne qeverisjen e vendit, sipas mbeshtetjes popullore. "Edi Taku-Nardi, sic po e therrasin kohet e fundit ne mjediset e Partise Socialiste, duhet ta harroje qe mund te impresionoje njeri ne kete vend me kercenimet per protesta dhe dhune. Shqiperia eshte tashme ne rrugen e pakthyeshme te integrimit evropian dhe historia e dikurshme e eterve te cunave te rinj te Bllokut, eshte thjesht nje kujtim i hidhur per te gjithe shqiptaret, qe nuk do te perseritet me kurre",-tha Paloka. Ne fakt toni i ngritur i demokrateve vjen nje dite pasi kreu i shtetit deklaroi se po pergatiste tryezen nga ku pritet qe nepermjet dialogut te arrihet marreveshja qe do ti fuste deputetet e Partise Socialiste ne parlament. Deklaratat e nje dite me pare te lidereve politike, Berisha dhe Rama, lane te kuptohej se palet te pakten para uljes ne tryeze, nuk do te sulmonin njera-tjetren.
Akuza
"Fakti qe Edvin Kristaq Rama po kerkon permbysjen e qeverise, jo nepermjet zgjedhjeve dhe votes se lire, do te thote se mentaliteti marksist i baballareve eshte ende i gjalle tek cunat e rinj te Bllokut", theksoi Paloka.