PD Rregullorja e re e Parlamentit adoptim i rregullores se PE-se
Ka nje rregullore Parlamenti Evropian. Besoj nuk duhet te kete asnje kundershtim per rregulloren e PE-se. Nuk besoj se dyshon njeri se ajo eshte jodemokratike
Partia Demokratike eshte treguar e gatshme qe ne fillim te muajit nentor te diskutoje ne Parlament kerkesen e Partise Socialiste per ndryshimin e rregullores se Parlamentit. Kryeministri Sali Berisha ne daljet e tij publike ka shprehur gatishmerine e plote qe ndryshimi i rregullores se Parlamentit te behet por me pare duhet te studiohet imtesisht rregullorja e Parlamentit Evropian per te cilen kreu i mazhorances ka propozuar dergimin e dy perfaqesuesve nga secila force politike per te studiuar nga afer rregulloren e PE-se dhe me pas ta adoptojne kete rregullore ne Kuvendin e Shqiperise. Sipas kalendarit trejavor te Kuvendit Komisioni i Ligjeve ne ditet e para te nentorit do te shqyrtoje kerkesen e socialisteve per ndryshimin e rregullores parlamentare. Deklaratave te Kryeministrit u jane bashkangjitur edhe deputetet e PD-se te cilet jane shprehur se do te kalojne kete draft ne Parlament vetem ne rast se rregullorja e re do te jete e ndertuar sipas asaj te Parlamentit Evropian. Deputeti i Partise Demokratike Edi Paloka eshte shprehur se opozites i jane bere te qarta synimet se si duhet te jete e ndertuar rregullorja e re e Parlamentit. Sipas tij me adoptimin e rregullores se Parlamentit Evropian nuk do te kete me aludime nga asnje force politike se rregullorja eshte antidemokratike. Qellimin tone per rregulloren e kemi bere te qarte. Jemi gati te diskutojme. Ka nje rregullore Parlamenti Evropian. Besoj nuk duhet te kete asnje kundershtim per rregulloren e PE-se. Nuk besoj se dyshon njeri se ajo eshte jodemokratike. Nuk kemi pse te bejme shpikje te reja. Mjafton te adoptojme ate rregullore dhe besoj se ceshtja e rregullores eshte e zgjidhur meqe PS kembengul. Sa per kodin jane ndryshimet e propozuar nga OSBE-ODIHR. Jane verejtjet qe ata kane bere mbi bazen e te cilave ne duhet te perqendrohemi - u shpreh deputeti i PD-se. Partia Socialiste ne kerkese e saj per sa i perket kesaj nisme ka rrezimin e te gjitha ndryshimeve qe jane bere gjate ketyre viteve te fundit per sa i perket rregullores se kuvendit te Shqiperise si dhe eshte kerkuar rikthimi i votimit te fshehte per sa u takon dekreteve te presidentit si dhe diskutimi i lire 60 minutash si pike e pare e rendit te dites. Ndryshimi i menyres se votimit ka qene nja nga pretendimet me te medha te socialisteve te cilet edhe pse rane dakord per keto ndryshime tashme kerkojne rrezimin e menyres se votimit te hapur per ta zevendesuar ate me votim te fshehte. Sipas tyre nuk eshte normale qe ligjet e dekretuara nga Presidenti te behen ne menyre te hapur. Nga ana e tyre demokratet kane deklaruar se deputetet duhet te votojne ne menyre te hapur te gjitha ligjet pasi elektorati qe u ka besuar voten atyre te informohet e cila do te jete vote e te zgjedhurit te tyre. Megjithate parashikohet qe dy delegate te Parlamentit shqiptar nje perfaqesues i Partise Socialiste dhe nje i Partise Demokratike te shqyrtojne nga afer rregulloren e PE-se dhe me pas ta adoptojne kete rregullore edhe ne Kuvendin e Shqiperise.
Ndryshimet kushtetuese
Ndersa per sa i perket kerkeses tjeter te socialisteve per ndryshime kushtetuese tashme eshte dhene pergjigjja e prere qe nuk do te kete ndryshime. Socialistet kane kembengulur qe te ndryshoje ligji per zgjedhjen e Presidentit edhe pse ishin vete keta te fundit te cilet tre vjet me pare propozuan ligjin e zgjedhjes se kreut te shtetit me 50 plus 1. Nga ana e mazhorances ndryshimi i Kushtetutes cdo tre vjet do te ishte i pamoralshem sepse Kushtetuta cilesohet si libri i shenjte i nje shteti. Lidhur me kete kerkese te opozites kreu i qeverise eshte shprehur se Kushtetuta e Shqiperise nuk eshte statusi i Partise Socialiste qe ndryshon sipas interesave te liderit te PS-se i cili e shkruan diten kete status dhe e ndryshon naten vetem e vetem per te ruajtur pozicionin e tij ne krye te kesaj force politike.