PD: Top Media e simotrat fshehen vdekjen e vajzes

Partia Demokratike, me ane te zedhenesit te saj, Gerti Bogdani, denoi diten e djeshme mediat dhe kryesisht kompanine Top Media, per mos pasqyrimin e vdekjes se punonjeses se kesaj kompanie, Entela Hysko. Sipas Bogdanit, fshehja dhe mos pasqyrimi i vdekjes se vajzes, e cila humbi jeten se bashku ne presidentin e Top Medias, Dritan Hoxha, ishte nje akt primitiv dhe cnjerezor. "Partia Demokratike, si parti e fjales se lire, qe nxori vendin nga censura dhe terri informativ me i eger komunist, e konsideron heshtjen, fshehjen apo censuren totale nga Top Media dhe disa simotrave te saj, te lajmit te vdekjes tragjike te bashkepunetores se tyre, Entela Hysko, si nje akt primitive, cnjerezor dhe te pashembullt", theksoi Bogdani ne lidhje me qendrimin zyrtar te PD-se ne lidhje me kete aksident. Sipas Bogdanit, vdekjen e nje njeriu mund ta mbajne sekret vetem diktaturat me mizore dhe shpellat e Al Kapones. "Ju, ne kete menyre censuruat aktin me madhor, me sublime te njeriut, censuruat lajmin me tragjik te te gjitha lajmeve, ate te vdekjes se nje njeriu, censuruat lajmin e vdekjes se shoqes suaj. Ju qofshi, Zoti ju ndjefte", iu drejtua diten e djeshme zedhenesi i PD-se, Gerti Bogdani, gazetareve ne lidhje me mos pasqyrimin e vdekjes se punonjeses se Top Medias. Zedhenesi i PD-se kujtoi ne fjalen e tij se kryetari i PD-se, njekohesisht Kryeministri Berisha iu shprehu te dy familjeve ngushellimet me te sinqerta dhe solidaritetin njerezor me te larte.

Aksidenti tragjik i 23 majit

Mengjesin e dates 23 maj 2008, vdiqen ne nje aksident, presidenti i Top Medias, Dritan Hoxha dhe punonjesja e Top Medias, 28-vjecarja Entela Hysko. Shkak per kete aksident te rende policia nxori shpejtesine e madhe me te cilen po ecte mjeti dhe humbjen e kontrollit nga ana e drejtuesit te makines tip "Ferrari", Dritan Hoxha.

F.Mejdini