Kryeministri: Cmimi i tokes do ndryshohet, ka rritje fiktive

Kryeministri Berisha deklaroi diten e djeshme se do te rishikoheshin cmimet e tokes te percaktuara pak kohe me pare dhe te miratuara nga qeveria. Keshtu, sipas Berishes, nevoja per rishikim vinte sepse procesi i kompensimit ishte bllokuar. Si nje nga arsyet e bllokimit te ketij procesi, kreu i qeverise Berisha permendi edhe abuzimet ne vendosjen e cmimit te tokes. "Mund te kete ndonje prone ne Tirane, qe vleresohet 350 mije leke dhe me te vertete ajo prone ka ate vlere, ose ndoshta me shume, por nga ana tjeter, ka territore te tera te tjera, me qindra e mijera kilometra katror, ku vlera nuk eshte as 10 euro dhe vleresohet 150 euro. Kjo ka bllokuar procesin", deklaroi Berisha, gjate mbledhjes se djeshme te grupit, duke premtuar keshtu edhe rishikimin e cmimit per te gjitha zonat. Sipas Berishes, nuk mund te krahasosh qendren e qytetit me nje zone, te cilen deri pak vite me pare mund te kete qene gemushe, poligon, apo objekt tjeter. Keshtu, nisur nga kjo, Kryeministri i kerkoi Ministrise se Financave, Ministrise se Ekonomise, Ministrise se Bujqesise, te angazhojne ekspertet me te mire, sepse vetem ne ceshtjen e vleresimit nuk ka pengese praktikash. "Ekzistojne module te gatshme, te cilat bejne vleresimin e tokes apo te cdo gjeje. Cdo jave qe kalon, per shkak te mungeses se ketij vleresimi, demtohet procesi i zhvillimit te pronave. Per kete, keto ministri duhet te nisin menjehere punen dhe te percaktojne ne terma reale dhe jo me mashtrime, cmimin real te tokes", deklaroi Berisha, duke e konsideruar kete nisme emergjente. Keshtu pritet qe se shpejti te pergatitet edhe harta e re me cmimet e tokave ne te gjithe vendin.

F.Mejdini