PD “kalon” ligjin per Presidentin
Kuvendi “merr” te drejten e Presidentit per tu konsultuar e analizuar gjeresisht dekretet e sjella prej tij per anetare te Gjykates se Larte apo Kushtetuese. Me shpejt nga sa mendohej, madje dhe para se Presidenti Bamir Topi te dorezoje kandidaturat e reja per anetare te Gjykates se Larte, Kuvendi vendosi dje qe te perfshije me procedure te pershpejtuar nje nisme ligjore te Fatos Bejes per ndryshimin e rregullores. Me shumice votash, mazhoranca caktoi daten 30 qershor, per te votuar ndryshimet ne rregullore qe i japin te drejte Komisionit te Ligjeve qe jo vetem te shqyrtoje kandidaturat per anetare te gjykates, por dhe zhvilloje seanca degjimore me secilin prej tyre e publikun e gjere para se te jape voten. “Per te rritur transparencen dhe ndihmesen e publikut ne perzgjedhje, komisioni organizon seanca degjimore publike me secilin kandidat. Perfundimet e nxjerra nga ky proces shqyrtimi i percillen Kuvendit per te vendosur miratimin ose jo te cdo kandidature te propozuar”, sugjeron Beja. Perfshirja ne kalendarin e punimeve te kuvendit me procedure te pershpejtuar te ndryshimeve ne rregullore te propozimit te Bejes u kundershtua ashper nga opozita. Deputetet e majte, bojkotuan seancen plenare ne shenje proteste e irritimi se Kuvendi po cenon kompetencat e presidentit ne dhenien e dekretit. “Ne nuk mund te qendrojme me, se ju beni gjithnje si doni vete. Nuk e kuptojme pse kerkoni ta kaloni kaq shpejt dhe para se Presidenti te sjelle dekretet. Keni nje krize me Presidentin, s’mund t’jua zgjidhim ne hallin”, tha kryetarja e grupit socialist, Valentina Leskaj. Largimin e se majtes kryetari i grupit demokrat, Astrit Patozi e quajti nje qellim per bllokimin e Kuvendit. “Procedurat parlamentare nuk duhet te paragjykohem, nuk kemi shkelur ne asnje rast rregulloren. Po opozita po bojkoton cdo gje si pelqen”, tha Patozi. Ndersa deputeti i LSI-se Pellumb Xhufi e quajti nje tentative per ti marre presidentit kompetencat per shkak te perplasjeve institucionale. Po keshtu me radhe e vleresuan dhe Namik Dokle, Petro Koci dhe Erion Brace, qe nuk vonuan te lene seancen per shkelje te rregullores. “Si deputet, kam depozituar ne Kuvend propozimin me shkrim per ndryshimin e rregullores se Kuvendit per procedurat e zgjedhjes se anetareve te Gjykates se Larte, ne menyre qe te mos perseritet me situata e krijuar me rrezimin e dekreteve”, tha dje Beja, i hapur per ndryshime e diskutime gjate shqyrtimit te projektit ne komisionet parlamentare.