PD, kerkese ne Kuvend per heqjen e mandatit te Fidel Yllit Rozeta Rapushi
Deputetet demokrate kerkojne nga Kuvendi, qe te coje ne Gjykate Kushtetuese, mandatin e deputetit socialist, Fidel Ylli, me pretendimin se kane konstatuar shkelje te Kushtetutes, gjate ushtrimit te detyres. Nje grup deputetesh te selise blu, nenshkruan nje nisme, ku i kerkojne Kuvendit qe te dergoje ne Gjykaten Kushtetuese ceshtjen ne fjale, qe ata e konsiderojne si shkelje flagrante te nenit 70 te Kushtetutes, nga deputeti Fidel Ylli. Me konkretisht, ne kerkesen e tyre thuhet se deputeti socialist, ka rezultuar te jete ortaku i vetem i nje radioje, ne dhjetor te vitit 2009, nderkohe qe ai ishte shpallur deputet, me vendim te KQZ-se, qe ne gusht te ketij viti. “Sic dihet dhe sic percakton ligji, frekuencat e radiove dhe televizioneve, jane pasuri publike. Kushtetuta thote se deputetet nuk mund te kryejne asnje veprimtari fitimprurese, qe buron nga pasuria e shtetit ose e pushtetit vendor dhe as te fitojne pasuri te ketyre. Pas kater muajve ne shkelje te hapur me Kushtetuten dhe ligjet e vendit, zoti Ylli rezulton te kete bere nje shitje fiktive te radios, duke e kaluar ate ne pronesi te se motres, ne fund te dhjetorit 2009”, - argumentojne demokratet. Rasti i deputetit, Fidel Ylli, sipas demokrateve, eshte shume i ngjashem me ate te ish-kolegut te tij, Ilir Beqja. Zoti Beqja e humbi mandatin e deputetit, rreth dy vjet me pare, pasi Kuvendi coi ne Gjykaten Kushtetuese fakte, qe provonin se ai kishte perfituar fonde nga pushteti vendor, gjate ushtrimit te mandatit te deputetit. Gjykata Kushtetuese e cmoi te drejte kerkesen e Kuvendit, i cili u vu ne levizje serish nga nje grup deputetesh te Partise Demokratike. Ne fund te vitit 2010, nje grup deputetesh te grupit parlamentar demokrat te Kuvendit, ju drejtuan me nje leter zyrtare kryetares, Jozefina Topalli, per papajtueshmerine e mandatit te deputetit socialist Ilir Beqaj. Duke sqaruar se mandati i deputetit fillon qe ne momentin e shpalljes se tij nga KQZ-ja, ne kete rast 1 gusht 2009, demokratet duke cituar nenin 70 te Kushtetutes, shprehen se deputetet nuk mund te kryejne asnje veprimtari fitimprurese, qe buron nga pasuria e shtetit ose pushteti vendor. Nderkohe, qe sipas tyre, Beqaj ka bere te kunderten. Pas kesaj procedure, ne qershor, Gjykata Kushtetuese, i dha te drejte Kuvendit dhe urdheroi dje heqjen e mandatit per deputetin socialist. Heqja e mandatit te deputetit te Partise Socialiste te qarkut te Shkodres, u kerkua ne Kuvend nga nje grup deputetesh te PD- se, te cilet duke iu referuar nenit 70 pikes 3 te Kushtetutes argumentuan se, nje deputet nuk mund te perfitoje fonde publike.
KUSHTETUTA
Neni 70, qe pretendohet se ka shkelur Fidel Ylli
1. Deputetet perfaqesojne popullin dhe nuk lidhen me asnje mandat detyrues.
2. Deputetet nuk mund te ushtrojne njekohesisht asnje detyre tjeter shteterore, pervec asaj te anetarit te Keshillit te Ministrave. Rastet e tjera te papajtueshmerise, caktohen me ligj.
3. Deputetet nuk mund te kryejne asnje veprimtari fitimprurese, qe buron nga pasuria e shtetit ose e pushtetit vendor dhe as te fitojne pasuri te ketyre.
4. Per cdo shkelje te paragrafit 3 te ketij neni, me mocion te kryetarit te Kuvendit ose te nje se dhjetes se anetareve te tij, Kuvendi vendos per dergimin e ceshtjes ne Gjykaten Kushtetuese, e cila konstaton papajtueshmerine.