PD mbeshtet Topin per dekretet

Gjashte kandidaturat e Presidentit te Republikes, Bamir Topi, u vleresuan dje nga mazhoranca si profesionale e te denja per Gjykaten e Larte. Nje prej anetareve te Komisionit te Ligjeve, demokrati Dashnor Sula, i njohur si mbeshtetes i kreut te shtetit ne grupin demokrat, tha dje se perzgjedhja e Presidentit Topi per anetare te Gjykates se Larte eshte e sakte. “U njohem me to. Mendoj ndryshe nga opozita, se Presidenti zbatoi ligjin dhe kriteret e percaktuara, duke marre parasysh dhe sugjerimet e forcave politike”, theksoi Sula. Sipas tij, Presidenti veproi me nje transparence te madhe qe per te eshte per t’u vleresuar. “Njesi matese per kandidaturat nuk ka. Por kandidatet qe zgjodhi Presidenti jane te pranueshem dhe juriste qe kane dhene kontribut ne sistemin gjyqesor. Per mua, jane kandidatura te pershtatshme”, vijoi deputeti demokrat. Sula theksoi se ne shqyrtimin e gjashte dekreteve te kreut te shtetit per anetare te Gjykates se Larte do te zbatohet rregullorja e sapo miratuar ne Kuvend. Sipas tij, komisioni do te shqyrtoje dekretet nje per nje dhe do te hartoje nje komision. Sula theksoi se dekretet do te shqyrtohen nje me nje nga komisioni. Ne rast se per ndonje emer te pervecem do te kete kundershtime, atehere ai do t’i rikthehet per vleresim Presidentit te Republikes. Sula sqaroi se nuk do te behet rrezim me vote ne Kuvend, duke shmangur keshtu krize te hapur mes institucioneve. Deputeti demokrat shpjegoi se, ne rast se ndonje kandidature nuk do te vleresohet, sepse nuk permbush kriteret e kerkuara, ajo i rikthehet Presidentit, qe ka te drejte te jape e dekretoje nje emer te ri. “Pra, ta terheqe ate”, vijoi Sula. Diskutimi per gjashte dekretet e Presidentit do te zhvillohet javen e ardhshme ne Komisionin parlamentar te Ligjeve. Kuvendi me ndryshimet ne rregullore ka tre jave afat per te shqyrtuar kandidaturat. R.Rapushi

Emrat

Vetem nje jave me pare, Presidenti i Republikes, Bamir Topi, dekretoi gjashte emra per plotesimin e vendeve vakante ne Gjykaten e Larte. Ai firmosi per Arjana Fullanin, Aleksander Muskaj, Andi Celiku, Evelina Qirjako, Guxim Zenelaj dhe Majlinda Andrea.