PD, te henen vendimi per dekretet e Topit

Grupi parlamentar i Partise Demokratike pritet te marre diten e hene edhe vendimin nese do te votoje ne Kuvend per nje raport te Komisionit te Ligjeve, apo per dekretet e Presidentit Topi per Gjykaten e Larte. Por burimet brenda ketij grupi bejne te ditur se te henen pritet qe ne mbledhje te vendoset te shkohet me dekretet e sjella nga Presidenti Topi, sepse e kunderta mund te sillte percarje brenda Grupit parlamentar te PD-se. Keshtu, pritet qe, sipas udhezimeve te Kryeministrit Berisha, te votohet nga deputetet e PD-se ne lidhje me 5 emrat e sjelle nga Presidenti Topi per t'u miratuar ne Kuvend si anetare te Gjykates se Larte. Burimet bejne te ditur se Grupi parlamentar i PD-se pritet te marre vendimin per te votuar kunder vetem nje prej tyre. Pak jave me pare, kreu i qeverise Berisha, njekohesisht lideri i PD-se, deklaroi se Grupi parlamentar i PD-se nuk mund te pranonte te votonte si anetare te Gjykates se Larte emra si ai Zamir Podes dhe Kristaq Trajes. Kjo sepse, sipas Berishes, PD nuk mund te perdorte voten e saj per te vendosur ne krye te institucioneve te rendesishme gjyqesore ne vend njerez, te cilet gjate kohes se komunizmit kishin qene persekutore. Nga ana tjeter, problem per Kryeministrin Berisha dhe vete Partine Demokratike eshte edhe fakti se Presidenti Topi nuk ka pranuar te konsultohet me kete grup parlamentar perpara se te vendos per dekretet e tij per Gjykaten e Larte. Kryeministri Berisha madje ka theksuar se Presidenti Topi po sillet me keq se paraardhesi i tij Alfred Moisiu.

F.Mejdini