PR: Kandidatet, mbeshtetje te gjere politike e publike

Partia Republikane beri dje publike kriteret, qe, sipas saj, duhet te plotesojne kandidatet per t'u perzgjedhur si gjyqtare te Gjykates se Larte. Permes nje letre te nenshkruar nga kryetari i Grupit parlamentar te PR-se, Arian Madhi, republikanet kerkojne qe "kandidatet per anetare te Gjykates se Larte duhet te kene provuar, nepermjet kurrikulumit te tyre profesional, perkushtim te larte ndaj detyres, profesionalizem dhe sens te larte drejtesie, te njohur publikisht". Ky kusht, sipas republikaneve, duhet te verifikohet nga ana e Presidentit te Republikes dhe verifikimi te behet publik, duke cituar dhe burimet e informacionit. "Kandidatet per Gjykaten e Larte duhet te gezojne besim dhe mbeshtetje te gjere politike, lidhur me aftesine e tyre per permbushjen e misionit te drejtesise, besim dhe mbeshtetje e gjere politike qe gjithashtu duhet te verifikohet nga Presidenti i Republikes me faktorin politik parlamentar", thuhet ne letren drejtuar Presidentit. Njeheresh, republikanet jane te mendimit se kandidatet per anetare te Gjykates se Larte duhet te deshmojne pasterti te larte ligjore dhe morale, gje qe duhet te provohet minimalisht nepermjet verifikimit paraprak te deklarimit te tyre te pasurise dhe te shlyerjes se detyrimeve ndaj shtetit (fiskale dhe sigurime shoqerore) per pese vitet e fundit. Emerimi i anetareve te rinj te Gjykates se Larte, pas rrezimit ne Kuvend te pese dekreteve te Presidentit, do te kaloje permes asistences ligjore te posacme te nje grupi ekspertesh, i ngritur me propozim te Kreut te Shtetit.

Asnje parti e djathte, perjashtuar Partine Republikane, nuk ka preferuar qe te dorezoje kriteret te Presidenti Topi per anetaret e Gjykates se Larte, duke e lene gjithcka ne dore te aleatit me te madh ne qeverisje, PD-se.