Ekspertet e Topit, sot perzgjidhen emrat me te mire

Grupi i eksperteve i ngritur ne Presidence pritet te nxjerre sot emrat e pare te kandidateve me te specializuar per postet vakante ne Gjykaten e Larte. Ne mbyllje te afatit, ne Presidence u dorezuan listat me kritere nga dy partite e medha politike, demokratike dhe socialiste, si dhe Partia Republikane. Asnje nga forcat e tjera politike nuk u mundua te jape vleresime apo sugjerime se cfare duhet te plotesoje nje kandidat per t'u perzgjedhur si anetar per Gjykaten e Larte. Deri dje pasdite, ky grup priti kriteret qe partite politike sugjeruan se duhet te plotesojne kandidatet per Gjykaten e Larte. Me marrjen e kritereve nga forcat politike, ekspertet e Presidences do te japin me ne fund rezultatet e para te punes se tyre. Do te perzgjidhen se kush jane kandidatet, te cilet plotesojne kushtet per te qene anetare dhe cilet jane ata qe nuk plotesojne kushtet e kerkuara. Nente ekspertet e Presidences nuk mund te japin emrat e gjashte anetareve qe duhet te dekretoje Presidenti. Ata do te piketojne nje sere emrash, mes te cileve, kreu i shtetit, Bamir Topi, duhet te dekretoje e perzgjedhe gjashte emrat qe do t'i shkojne per votim Kuvendit e do te plotesojne postet vakante ne Gjykaten e Larte. Ekspertet nuk kane dhene ende nje vleresim per kriteret e fundit te dorezuara nga kampi i majte. Nderkohe qe, kane vleresuar nga sugjerimet e Partise Demokratike, qe figurat per anetare te gjykates te jene te paster dhe te deshmojne nje pasuri te verifikuar, si dhe te kene integritet moral. Partia Socialiste kerkoi ne sugjerimet e saj, pervec verifikimit te pasurise e integritetit moral, qe kandidatet te kene te pakten tre referenca te mira nga vendet ku kane punuar. Ndersa republikanet, kerkuan qe kandidatet te vertetojne se jane profesioniste e te perkushtuar ne pune si dhe te gezojne mbeshtetje te gjere politike. Pese kandidaturat e para, qe Presidenti Bamir Topi dorezoi ne Kuvend per anetare te Gjykates se Larte, u rrezuan me shumice votash nga mazhoranca. Duke sjelle keshtu nje krize institucionale qe po le pezull gjykaten, e cila funksionon me gjashte anetare manget. Rrezimi njeri pas tjetrit i emrave te Topit, erdhi si nje ndeshkim i menyres qe kreu i shtetit zgjodhi per te depozituar ne kuvend kandidaturat per kete gjykate. Mazhoranca e djathte theksoi se me pare, presidenti duhet te ishte konsultuar me Kuvendin e me pas te dekretonte emrat qe do te mbushin vendet vakante ne Gjykaten e Larte. Ende nuk dihet se si do te vijoje procedura e shqyrtimit apo votimit ne Kuvend per dekretet e reja qe Presidenti do te sugjeroje per anetare e gjykates. Ajo cka mazhoranca kerkon eshte qe emrat te shqyrtohen imtesisht ne komisionin e ligjeve dhe pse jo te zhvillohen seanca degjimore me ta.

Rozeta Rapushi