PS: Berisha po cenon Presidentin

Grupi parlamentar i Partise Socialiste do te votoje pro dekreteve te Presidentit. Madje, ligjvenesit socialiste do te kerkojme futjen ne procedure votimi dhe natyrisht me votim te fshehte te te gjithe dekreteve te paraqitura nga Presidenti i Republikes per anetare te Gjykates se Larte. Qendrime te tilla u bene me dije dje nga kryetarja e Grupit kuvendor te PS-se, Valentina Leskaj, e cila gjate nje komunikimi me mediet i kerkoi mazhorances te heqe dore nga vendimmarrjet e saj antikushtetuese mbi kete ceshtje. "Grupi parlamentar i PS e konsideron qendrimin e fundit te mazhorances ndaj dekreteve te Presidentit te Republikes, dhe etiketimin e tyre si antikushtetues, si nje kercenim te hapur per pavaresine e institucioneve kushtetuese dhe ndarjen e pushteteve, si nje kercenim per demokracine dhe shtetin ligjor", vleresoi Lesakj gjate fjales se saj. Gjithashtu, ne gjykimin e socialisteve, ky eshte nje shfaqje e re e konfliktit te vjeter te Kryeministrit Berisha dhe pasuesve te tij, qendrim qe ka ndodhur me cdo pushtet te pavarur ne Shqiperi. Po keshtu, duke folur po ne emer te grupimit qe ajo drejton, Leskaj vleresoi se "kjo eshte nje perpjekje per te kontrolluar Gjykaten e Larte, qe po behet duke perdorur pushtetin legjislativ kunder pushtetit gjyqesor. duke konfliktuar artificialisht institucionet". Njekohesisht, duke sqaruar mbi rolin e Kuvendit, kryetarja e ligjvenesve socialiste argumentoi se Kuvendi emeron ose jo dekretet e Presidentit te Republikes po nuk mund te refuzoje dekretet, duke dhunuar rendin kushtetues dhe bllokuar Gjykaten e Larte me mjete politike arkaike. Madje, po ne kete linje, Leskaj deklaroi voten pro te socialisteve per dekretet e Presidentit. "Natyrisht qe opozita do te votoje pro dekreteve te Presidentit, do te insistoje me force dhe do kerkoje qe dekretet te futen ne procedure sipas rregullores se Kuvendit dhe sipas te gjitha procedurave dhe ligjeve te shtetit. Te futen me votim te fshehte, sepse nuk ka rruge tjeter", nenvizoi Leskaj gjate fjales se saj, lidhur me kete ceshtje. Gjithashtu, sipas saj, nuk mund te futen ne Kuvend raport-komisioni, pasi duhet te futen dekretet e Presidentit per u votuar, mazhoranca ne rast se do t'i rrezoje, le t'i rrezoje ne Kuvend. Po keshtu, socialistet paralajmerojne se, "nese mazhoranca nuk do te ndjeke rrugen ligjore, atehere do gjendemi ne nje udhekryq me nje Gjykate te Larte te bllokuar e me nje President te Republikes me autoritet kushtetues te cenuar. Me kete akt njolloset Kushtetuta, Kuvendi dhe fytyra e Shqiperise ne syte e botes demokratike". Nga ana tjeter, kupola roze nuk do te heqe dore nga kerkesa e saj per shkarkimin e Kryeparlamentares Topalli. Nje fakti te tille i meshoi dhe njehere tjeter vete kryetarja e Grupit kuvendor te PS-se, Leskaj. "Nuk kemi hequr dore nga mocioni per shkarkimin e Kryetares. Sic e kam thene edhe here tjeter kjo eshte ne proces vleresimi", u shpreh Leskaj lidhur me kete ceshtje. Pak kohe me pare, socialistet vendosen qe grupi i eksperteve, anetare te Komisionit te Ligjeve, te shqyrtonin nga ana ligjore qendrimin qe Kryetarja e Kuvendit ka mbajtur mbi dekretet e Presidentit. Te cilet nepermjet kartonit te ligjvenesve demokrate kane dhene verdiktin se procedura e ndjekur nga Topi ka qene ne kundershtim me Kushtetuten.

Oli Xhilaga