Presidenca: S'ka me dekrete pa votuar 5 gjyqtaret nga Kuvendi

Presidenti Bamir Topi eshte me se i vendosur per te mos derguar asnje dekret per emerim gjyqtaresh te Gjykates se Larte, pa u votuar pese dekretet e derguara jave me pare. Burime prane kreut te shtetit bejne me dije se ai eshte ne pritje te votimit ne Kuvend per pese dekretet e tij, per emerim te gjyqtareve te Gjykates se Larte, pavaresisht votes pro ose kunder, qe do te hedhin deputetet e Kuvendit te Shqiperise. Nje vendosmeri te tille, kreu i shtetit e ka shfaqur ne kushtet kur Komisioni i Ligjeve, me dominance deputetet e mazhorances, ka vendosur perpilimin e nje raporti per te hedhur ne Kuvend jo pese dekretet e Presidentit, por per te hedhur raportin per proceduren e ndjekur nga Topi per perzgjedhjen e ketyre kandidaturave. Cka do te thote se dekretet e Topit nuk do te votohen dhe per pasoje, mazhoranca kerkon qe nepermjet Komisionit te Ligjeve te cilesoje si antikushtetuese proceduren e ndjekur per keto dekrete. Burime prane Presidentit bejne me dije se ne kete rast, kur nuk votohen ne menyre te drejtperdrejte dekretet e tij per 5 gjyqtaret e Gjykates se Larte, pra kur nuk kalojne ose nuk rrezohen keto dekrete, atehere kreu i shtetit nuk mund te nxjerre dekrete te tjere per t'i mbivendosur te pese dekretet e pare, pasi nuk e lejon Kushtetuta. Per pasoje pritet qe ngerci institucional te vijoje gjate, dhe Gjykata e Larte te mbetet jashte funksionit, per sa kohe palet nuk do te merren vesh me njera-tjetren. Sipas Presidences, zgjidhja e vetme dhe e arsyeshme konform Kushtetutes eshte qe, ne rast se mazhoranca e ka shprehur vullnetin e saj kunder dekreteve te Presidentit, t'i votoje kunder, dhe per pasoje dhe Topi do te jete i detyruar te dekretoje emrat e rinj per anetare te Gjykates se Larte. Ne rast te kundert, kriza do te zgjase pa afat, pasi dekretet jane ekskluzivitet i Presidentit. Nderkohe qe hapat e ndermarre prej tij, sipas ketyre burimeve, kane qene teresisht kushtetuese. Konflikti institucional mes Presidences dhe Kuvendit ka disa jave qe ka shperthyer, per vete faktin se Kryeparlamentarja Topalli eshte shprehur se ne baze te vendimit te Kushtetueses, Presidenti duhej te konsultohej per kandidaturat e pese gjyqtareve.

S.P