PS: Gjykata e kapur, kreu i LSI: Rama ngrihej në këmbë kur e telefonoja

Meta: Rama më krahasonte me Toni Blerin

Kreu i LSI: Kur ishte ministër, më adhuronte

Prifti, nëse ka video të tjera, ti nxjerrë, Presidenti sa më konsensual që është e mundur

Kreu i LSI-së, Ilir Meta, bën publike letrat që i ka dërguar kreu aktual i PS-së, Edi Rama, në kohën kur mbante postin e Kryeministrit. Në një intervistë për emisionin 5 pyetje nga Babaramo të gazetarit Ilir Babaramo në News 24, Meta tha se njëherë Rama e ka krahasuar atë me ish-kryeministrin laburist, Toni Bler.
Kur mësuat për ekzistencën e videos?
Ekzistencën e videos e mësova përpara se të propozoheshin ndryshimet në qeveri. Nuk e mora asnjëherë seriozisht. Kam qenë i sigurt se gjithmonë kam qenë tepër i përmbajtur, veçanërisht me personin në fjalë, që ishte i papërmbajtur dhe fillimisht të përmbaja atë, dhe jo të mos përmbaja veten time. Nuk mund ta mendoja kurrë që kjo gjë do të instrumentalizohej në këto përmasa, ku merita nuk ishte e tij. Ai ishte i përdorur. Përgjegjësia është e kryetarit të PS-së, i cili edhe pas vendimit të gjykatës, vazhdon të mbajë qëndrime të papërgjegjshme, sepse ai është mësuar që kur gjykata jep një vendim që nuk është në interes të qeverisë apo të maxhorancës, thotë që gjykata është në rregull; kur gjykata jep një vendim tjetër, thotë që gjykata është e korruptuar.
Zoti Prifti ka deklaruar se ka edhe 60 video të tjera. Keni dijeni se çfarë janë?
Do të ishte një kënaqësi e madhe nëse do të paraqiteshin. Mund të ketë edhe 100 të tjera më shumë dhe nuk e mban mend. Askush nuk e ka penguar jo atë, por asnjë tjetër ti paraqesë këto. Përkundrazi, të gjithë kanë qenë të ftuar që ta bëjnë këtë gjë. Ti paraqesin edhe publikisht, por pa montazhe dhe të çojnë origjinalin. Në çdo video origjinale pozita e përgjuesit është shumë e rëndë.
Kryeministri Berisha paralajmëroi shkarkimin e nënkryetarit të KLD-së, i cili reagoi duke thënë se ka zgjedhur momentin për të tërhequr vëmendjen nga çështja më e bujshme, ajo juaja…

Meta ne seline e LSI pas vendimit te gjykates se larte

Ai ia futi kot, se para një dite më mori në telefon dhe më ftoi për drekë. Unë qesha se më mori në telefon një orë pasi e kisha parë në televizor dhe po qeshja me lot kur pashë politikanët që kanë shumë mandate; ishte Hashim Thaçi, isha unë që nga 1992-shi, ishte zoti Berisha. I thashë faleminderit shumë, për mua ishte vlerësim, se unë isha mes Kryeministrit të Kosovës dhe Kryeministrit të Shqipërisë. Ditën tjetër foli për diçka që nuk kishte kuptim, pavarësisht se nuk mendoj se këto kishin ndonjë lidhje. Nuk mendoj aspak se ka pasur ndonjë përpjekje për të bërë ndonjë ndikim te gjykata. Ndikimet kanë qenë të palës tjetër, me shpifje, me denigrime të padëgjuara, të papara për gjyqtarët, për ti kompleksuar këta. Sikur njëri kishte ardhur te shtëpia ime, njëri andej, tjetri këtej, tjetri kish marrë makinën, gjëra të neveritshme, monstruoze.
Para pak ditësh u festua 20-vjetori i FRESSH-it. Ju keni qenë themelues i tij dhe si i tillë u bëtë edhe Kryeministër. Rama tha se dy janë figurat më emblematike të FRESSH: ju dhe zoti Majko. Tha që Majko po pret vendimin për të hyrë në një post shumë të rëndësishëm në OKB, ndërsa ju përballeni me drejtësinë për një çështje korrupsioni. Çfarë shije ju la kjo?
Rezultati ishte 5-0. Me këtë drejtim kjo më la shijen që ky mbeti përjetësisht një çilimi i papjekur dhe fatkeqësi që drejton atë parti. Ai është njeri që nuk e ka idenë se çfarë është FRESSH. FRESSH ka qenë vetë PS-ja. Kanë qenë ata intelektualë si Kastriot Islami, që në qoftë se janë përjashtuar ose mënjanuar nga kjo forcë politike, tregoi edhe njëherë që ka një inferioritet ndaj meje, dhe kjo është çështje e tij për arsye se FRESSH nuk ka pasur asnjëherë atë autoritet që ka pasur në atë periudhë. Ishte një diversion fare ordiner. Kjo punë është si ai libri Kurban, që unë nuk e kam lexuar…
Sa doja tju pyesja…
Është një çështje morale, sesa politike. Kam një siklet, se më kanë kërkuar shumë kolegë letrat që ky më shkruante me një adhurim të paparë kur unë isha Kryeministër dhe ai ministër. Unë e kam pas të sikletshme këtë gjë.
Çfarë kanë ato letra?
Monika i sistemon letrat e mia. Kemi që nga letrat e Fatosit kur ishte në burg. I kemi ato.
Janë të famshme sepse u thoshte të dyja palëve gjëra të ndryshme…
Jo vetëm kaq, por kur ishte kjo e FRESSH-it, Monika më tha ti çojmë ca, se ata nuk kanë gjë te arkivi i FRESSH-it, i gjithë arkivi është te ne. Ata të rinjtë e FRESSH-it mund të vijnë ndonjë ditë dhe tua japim se ata nuk kanë në arkiv asgjë për aktivitetet e asaj pune të jashtëzakonshme që është bërë në atë kohë. Kurbanin nuk e kam lexuar, por pashë emisionin kur ishte zoti Havari, ku ky (Rama) donte ti atribuonte vetes prishjen e parkut Rinia. Ndjeva një keqardhje. Si mundet një njeri të falsifikojë histori, ngjarjet, personazhet, kur ata jetojnë akoma, siç tha vetë zoti Havari, një nga realizuesit kryesorë të atij projekti që në fakt është projekti më i rëndësishëm gjatë periudhës 11-vjeçare që Rama drejtoi Bashkinë? E vetmja meritë e tij ishte që mbolli barin. Ishte pika e fundit e vendimit të qeverisë dhe lekët e barit ia dha qeveria. Para 20 vjetësh, kur ne krijonim FRESSH-in, në selinë e PS nuk hynte njeri poshtë moshës 60 vjeç dhe të gjithë shkonin në PD si parti ku mund të bënin karrierë. Ne skishim lidhje me rininë komuniste dhe i dhamë një frymëmarrje kësaj partie. Ky person, në atë kohë, siç e ka thënë edhe te Refleksione, bënte thirrje për daljen jashtë ligjit të PS-së, bënte thirrje për ekzekutimin e komunistëve, siç e thoshte ai në stadiume, si në kohën e Pinoçetit në Kili, pavarësisht se ai vetë kishte një lidhje me nomenklaturën e kaluar. Në atë kohë krijoi edhe partinë KIS dhe që nuk pranonte njerëz të tjerë po të mos ishin të dënuar në burgjet e diktaturës.
Cila ishte letra më mbresëlënëse që ju godet më shumë kur e kujtoni?
Me çfarë dëgjoj sot që thotë ai për mua, atëherë më krahasonte me Blerin. Unë nuk kam marrë përsipër asnjëherë të krahasohem me Blerin dhe me këta. Kur të vish ndonjë ditë në shtëpi, ti tregon Monika. Ju e mbani mend. Unë e merrja në telefon, ai ishte në Rogner dhe ai çohej në këmbë. Pse duhej të çohej në këmbë ai?
Në komentin e librit thoshte që ka një shans të dytë bashkëpunimi me ju…
Shanset e bashkëpunimit përgjithësisht i jep ai që është më i fortë, në këtë rast ai është shumë më i dobët sesa ka qenë. Ka një hendek shumë të madh morali mes Ilir Metës dhe zotërisë në fjalë, i cili një ditë para dha pretencën për partinë, ndjesë pastë. Nuk flitet në vitin 2012 për këtë gjë me gjuhë urrejtje. Ilir Meta ka bërë një krim? Ilir Meta të përgjigjet, por jo partia dhe të rinjtë. Çlidhje ka kjo? Kjo është një nxitje dhune, urrejtje, konflikti dhe shoqëria jonë nuk i pranon këto gjëra.
Berisha ka thënë që President do të jetë një drejtues i PD. Jeni dakord ju?
Unë jam dakord me opsionin që Presidenti të zgjidhet sipas Kushtetutës dhe të jetë sa më konsensual që është e mundur, bazuar me këtë princip të paevitueshëm. Për emrin është ende herët. Çdo forcë e koalicionit ka shumë