PS: Mocioni ndaj Topallit pritet te behet ne shtator

TIRANE - Ne sesionin e ri parlamentar, ligjvenesit socialiste pritet t'i rikthehen serish mocionit ndaj Kryetares se Kuvendit, Jozefina Topalli. Keshtu, incidentet e ndodhura radhazi ne parlament jane arsyeja kryesore, per te cilat socialistet ne shtator te bejne realitet mocionin e shkarkimit te saj, duke e rimarre serish kete ceshtje. Edhe pse sekretari per Ceshtjet Ligjore ne PS, Fatmir Xhafaj, nuk preferoi qe te komentoje ne detaje nje levizje te tille, ai nuk vonon te nxjerre ne pah pakenaqesite e Grupit parlamentar socialist ndaj sjelljes se Kryeparlamentares Topalli. "Eshte e tmerrshme sjellja e Topallit dhe kjo u duk me se miri edhe me katapultimin e Neshat Fanes ne KLD", u shpreh dje Xhafaj, gjate fjales se tij. Por, krahas ketij momenti, socialistet vene ne dukej dhe nje tjeter fakt, pikerisht mungesen e vullnetit te mazhorances qeverisese, sa i takon reformes ne drejtesi. Sipas deputetit socialist, Xhafaj, ne ditet e fundit mazhoranca vertetoi se nuk ka vullnet per reforme ne drejtesi. Njekohesisht, duke i meshuar jo pak kesaj ceshtje, Xhafaj pohon se socialistet kane arritur ne perfundimin se mazhoranca nuk kerkon konsensusin per realizimin e plote dhe real te kesaj reforme, kaq te rendesishme per vendin. "Kjo mazhorance nuk do nje reforme reale ne sistemin e drejtesise. Kjo mazhorance nuk e do realisht konsensusin per te siguruar nje reforme te qendrueshme ne kete sistem, gje qe ve ne pikepyetje kete reforme dhe konsensusin ne teresi", u shpreh Xhafaj, duke leshuar dhe nje paralajmerim ne kete menyre per kampin e djathte. Nderkohe qe, sa i takon mocionit ndaj Kryetares se Kuvendit, pak kohe me pare, kupola roze pati vendosur te shqyrtoje ne detaje shkeljet ligjore te saj, perpara ndermarrjes se nje mocioni per shkarkim. Madje, per kete ceshtje PS vendosi dhe ngritjen e nje grupi pune, i cili do te shqyrtonte si baze per mocionin dokumentet e prokurorise per hetimin e ngjarjes se Gerdecit, si dhe vendimin i Kushtetueses per emerimin e anetareve te Gjykates se Larte, e kjo per te analizuar qendrimin e Kryeparlamentares Topalli mbi dekretet e Presidentit per anetaret e kesaj gjykate. E nderkaq se fundmi dhe LSI kerkoi nga opozita parlamentare qe te bashkohet per nje mocion ndaj Topallit. Kjo thirrje kryesisht ishte per PS, e cila qe dhe iniciatorja e nismes per mocion. Nje qendrim i tille u rikthye ne skenen politike pas incidentit ne Kuvend Balla-Berisha, si dhe ndaj qendrimit qe kryetarja Topalli mbajti si mbi debatin ashtu dhe ndaj perfaqesive diplomatike pjesemarrese ne Parlament. Oli Xhilaga

Perplasjet

Grupi parlamentar i Partise Socialiste jo ne pak raste ka vene ne dukje shkeljet qe Kryetarja e Kuvendit, Jozefina Topalli, ka bere mbi rregulloren e parlamentit. Madje, ne disa raste jane shkembye replika te ashpra mes tyre.