PS Protesta mesazh Berishes

Për Partinë Socialiste, pjesëmarrja masive e qytetarëve në protestat e sotme ishte një mesazh i qartë kundër “qeverisë së kusarisë”.

“Qytetarët dëshmuan se dhuna e Berishës jo vetëm që nuk funksionon, por as i tremb. Nuk ishin vetëm 40 mijë kryeqytetas që marshuan në rrugët e Tiranës, por edhe me mijëra në qytetet e tjera”, ka deklaruar deputeti Besnik Bare.

Sipas tij, falë transperencës së kamerave, gjithë vendi pa rezistencën e shqiptarëve kundër regjimit të matrapazllëkut.

“Ata i dhanë një mesazh të qartë të ashtuquajturit kryeministër, se ai dhe qeveria e tij duhet të largohen pasi populli nuk i do më dhe nuk do t’i mbajë më mbi kurriz”, ka pohuar Bare.