PS: Qeveria harroi arsimin

Tiranë -Partia Socialiste deklaroi sot me anë të Ledi Shamkut, se qeveria nuk ka bërë asgjë për përmirësimin e gjendjes në arsimin e vendit. “Nuk bëri kurrë, e shifrat janë kokëforta, pasi sektori i arsimit dogji më shumë buxhet nga çdo sektor tjetër, e se këtë vit nuk realizoi dot as gjysmën e investimeve. Nuk bëri kurrë pasi Kryeministri ynë, çdo fundvit, në vend të flasë për çka bërë, flet për çka ndër mend të bëjë”-theksoi Shamku, kryetarja e Komisionit të Edukimit në Asamblenë e PS-së.
Shamku theksoi nxënësit vijojnë të bredhin nga shkolla në shkollë, për shkak të kushteve të pa përshtatshme.

Nuk bëri gjë prej gjeje-vijoi Shamku-ngase jemi i vetmi vend në toke, ndonëse në zemër të Evropës, që Universitetet i kemi me tre turne, si të jenë fabrika ku derdhet plastikë, kur në fakt aty shqiptarët derdhin para, mund, vite jetë, ëndrra dhe plane për të ardhmen.