PS apel qytetarëve:çdo ditë një protestë

Partia Socialiste i është drejtuar sërish sot qytetarëve me apelin për të marrë pjesë në protesta kundër pushtetit të keqqeverisjes. Thirrja është bërë nga deputetja socialiste Arta Dade, e cila në emër të PS-së u është drejtuar shqiptarëve të bashkohen në protestat për t'i dhënë fund keqqeverisjes që buron nga deformimi i vullnetit të lirë të votës së 28 qershori.
"Kur një pushtet deformon e grabit vullnetin e zgjedhësve për t'u kthyer në një kastë që pasurohet në kurriz të qytetarëve, një popull i emancipuar ka të drejtën e detyrimin që t'i thotë këtij pushteti ndal, me çdo formë demokratike. Prandaj sot Partia Socialiste u bën thirrje të gjithë shqiptarëve që t'u bashkohen protestave tona të pandalshme"- tha Dade.
Ajo ka ftuar shqiptarët që t'u bashkohen protestave të PS anembanë Shqipërisë për t'i dhënë fund pushtetit të korruptuar dhe arrogant të Sali Berishës.