PS, liste ankesash tek nderkombetaret
Takim i gjate u zhvillua dje, mes kryetarit te Partise Socialiste, Edi Rama dhe Ambasadores se ODIHR-it ne Shqiperi, Audrey Glover. Per rreth 90 minuta, Glover qendroi ne seline e PS-se, duke diskutuar "koke me koke" me kreun e opozites Rama. Sipas burime nga ky institucion behet e ditur, se Ambasadorja eshte njohur ne detaje, me pretendimet qe selia roze ka kunder procesit zgjedhor. Glover ka marre informacionet mbi ankesat e vazhdueshme, qe PS ka kunder procesit zgjedhor, atij te numerimit te votave por edhe te ankimimit te rezultatit te zgjedhjeve. Ndonese te dy personalitetet nuk pranuan te komentojne asnje moment te takimit te tyre te gjate, situata paszgjedhore ishte kryefjala e bisedes mes tyre. Aktualisht Ambasadorja Glover, se bashku me ekspertet dhe vezhguesit e zgjedhjeve, jane duke perpiluar raportin perfundimtar, per situaten zgjedhore ne vend. Raporti i OSBE/ODIHR-it, do te dale, vetem pasi te perfundoje procesi i numerimit te votave, ai i ankimimit te rezultatit si dhe shpallja zyrtare dhe perfundimtare e rezultatit te zgjedhjeve. Nga ana tjeter mesohet, se Glover i ka bere te qarte situaten, se proceset paszgjedhore jane nen monitorimin e rrepte te vezhguesve te OSBE/ODIHR, si dhe do te luajne jo pak rol ne raportin e fundit te ketij misioni per zgjedhjet.