"Do te vazhdojme 'luften' edhe pa deputet"

Shoqata e pronareve "Pronesi me Drejtesi", do te vazhdoje 'luften' e saj per zgjidhjen e ceshtjeve te pronesise ne vend, ndonese deshtoi ne iniciativen e saj per te pasur deputet ne Kuvend. Nje prej anetareve te kesaj shoqate, Reshit Vorpsi, deklaroi dje ne nje prononcim per mediat, se ceshtja e pronave mund te marre zgjidhje edhe nese pronaret nuk perfaqesohen me deputet ne Parlament ose te jene pjese e partive politike. "Ceshtja e prones ne Shqiperi, eshte nje ceshtje ne kolaps. Problemi i prones nuk eshte nje ceshtje e njerit krah politik, apo nje tjetri. Pronat futen tek ceshtjet e te drejtave", deklaroi Vorpsi. Sipas tij, fillimisht duhet te jete qeveria ajo qe duhet te kete vullnetin e duhur, per t'i dhene zgjidhje nje ceshtje te tille me rendesi per nje numer te madh qytetaresh. Ne lidhje me projektet e shoqates per te ardhmen, Vorpsi deklaron se ne muajin shtator, shoqata "Pronesi me Drejtesi" do te hape nje 'beteje' ligjore me Gjykaten Kushtetuese, per sa i perket funksionimit te Agjencise se Kthimit dhe Kompensimit te Pronave. Sipas tij, shoqata kerkon qe AKKP-ja, te mos kete kompetencat e gjykatave ne vend.