PS mbledh neser Asamblene per zgjedhjet

Partia Socialiste vijon pergatitjet per zgjedhjet e ardhshme vendore. Ne sherbim te kesaj sfide elektorale socialistet do te mbledhin diten e neserme Asamblene Kombetare. Burime nga selia roze bejne te ditur per gazeten Shekulli se diten e premte ne oren 1100 do te mblidhet nje prej forumeve me te larta te partise me te madhe ne opozite. Te njejtat burime saktesojne se teme kryesore e kesaj mbledhje do te jete procesi i perzgjedhjes se kandidaturave.

Ne kete takim te radhes Asambleja Kombetare do te diskutoje mbi procesin e zgjedhjeve qe priten te zhvillohen me 8 maj. Ne mbledhjen qe do te zhvillohet me dyer te mbyllura anetaret e ketij forumi do te diskutojne per strategjine qe do te ndjekin socialistet ne zgjedhjet e ardhshme vendore. Gjithashtu nje teme kryesore pritet te jete dhe marredhenia me Komisionin Qendror te Zgjedhjeve pasi socialistet prej kohesh jane larguar nga pjesemarrja ne kete institucion.

Nje pike e rendesishme e rendit te dites do te jene kriteret qe do te duhet te plotesojne kandidatet qe do te garojne ne emer te socialisteve per sfiden me te rendesishme politike te Partise Socialiste. Ne sherbim te permiresimit te ketij procesi Asambleja Kombetare do te miratoje nje dokument ne te cilin do te jene te perfshira te gjitha pikat qe duhet te permbush nje kandidat socialist. Ne perfundim te gjithe mbledhjes ky forum i larte i selise roze do te dale dhe me nje rezolute per situaten aktuale politike dhe qendrimin e Partise Socialiste per zgjedhjet e 8 majit.