PS shpall 33 kandidaturat për Avokatin e Popullit
Tiranë- Kandidaturat për postin e Avokatit të Popullit janë bërë sot publike nga Partia Socialiste e Shqipërisë, përmes një deklarate për shtyp. Mesohet se janë 33 kandidatura, nga 31 që u raportuan pasditën e djeshme. Pasi brenda afatit kanë mbërritur gjatë mbrëmjes se djeshme edhe dy të tjera, duke e çuar numrin e tyre nga 31 në 33.
Komisioni përzgjedhës duke i garantuar çdo kandidati një proces transparent dhe rigoroz bën me dije se përzgjedhja do të bëhet në dy faza. Në fazën e parë që pritet të mbyllet me datë 8.12.2011, do të shqyrtohen dosjet e secilit aplikant. Nga ky shqyrtim do të përzgjidhen një numër më i vogël aplikantësh të cilët më pas do të ftohen me datën 12.12.2011 në një dëgjesë publike.
Mesohet se çdo kandidat do të degjohet për 15 min dhe ai do të paraqesë vizionin e tij për Avokatin e Popullit. Duke lajmeruar kandidatët fitues të fazës së parë do të bëhen publik në faqen zyrtare të komisionit. Bëhet me dije se renditja e kandidaturave për dëgjesën publike do të bëhet me short. I cili do të hidhet në prani të të gjithë të përzgjedhurve të hënën e ardhshme në ora 9.30, në mjediset e Universitetit Mesdhetar të Tiranës. Ambjent ku edhe do të zhvillohet dëgjesa publike duke nisur nga ora 10.00. Mediat do të jenë të pranishme, dhe kjo degjesë publike do të transmetohet live.
Sipas Partisë Socialiste kjo është hera e parë që një parti politike zhvillon një proces të tillë përzgjedhjeje, duke e konsideruar si një qasje të re të politikës ndaj institucionëve të shtetit.
Me vlerësimin dhe kujdesin më të madh për garantimin e këtij procesi që zhvillohet për herë të parë në vendin tonë nga një parti politike, si edhe me bindjen se suksesi i tij do të përbëjë një gur të rëndësishëm themeli në rrugën e ndërtimit të një modeli të ri qasjeje të politikës ndaj institucioneve të shtetit, ne u urojmë sukses të gjithë të interesuarve dhe e sigurojmë publikun shqiptar në vullnetin tonë për transformimin demokratik të jetës së vendi- thuhet në deklaratën për shtyp të PS-së.
Lista e aplikantëve për pozicionin e Avokatit të Popullit
1.Adrian Kasapi
2.Agron Çaushi
3.Agim Shima
4.Anton Lleshaj
5.Arben Spaho
6.Artur Lazebeu
7.Artur Çobani
8.Besim Ndregjoni
9.Besnik Dervishi
10.Bilal Kola
11.Blerta Kraja
12.Darjel Sina
13.Dëshira Subashi
14.Elidon Habilaj
15.Elisabeta Imeraj
16.Eni Çobani
17.Ermir Dobjani
18.Ermir Hajdini
19.Genci Terpo
20.Gent Ibrahimi
21.Gjet Kola
22. Kastriot Frasheri
23.Ksenofon Krisafi
24.Igli Totozani
25.Irvin Faniko
26.Mikel Gega
27.Nuredin Salati
28.Perparim Kabo
29.Qirjako Qirko
30.Rovena Voda
31.Sokol Hazizaj
32.Sotiraq Nushi
33.Sherif Hoxha
Dorina Bilbili/IDEA
Shkrime të tjera me interes: