Pacientet, kartele mbi efektshmerine e ilaceve

Pacientet te cilet do te shtrohen ne spitalet e vendit gjate ketij viti pervec karteles se shtrimit do te kene edhe nje kartele te re, ne te cilen do te pershkruhet efektshmeria e medikamenteve. Ky projekt eshte bere i ditur nga drejtori i Qendres Kombetare te Barnave, Besnik Jakaj. Sipas tij, infermieret apo mjeket ne momentin e kurimit te pacientit do te pershkruajne efektshmerine e barit qe eshte perdorur, nese ka dhene reaksion apo jo dhe cili nga barnat alternative te perdorur ka dhene me shume efekt tek pacienti. "Me ane te nje projekti qe kemi nisur per kete vit, do u kerkojme infermiereve te percaktojne efektshmerine e nje medikamenti, apo alternativave te tij. Nese nje medikament ben reaksion, apo nuk ka vepruar sic duhet, kjo duhet te shenohet ne karten e pacientit dhe mjeket te kene lehtesi ne mjekimet e metejshme" eshte shprehur drejtori i Qendres Kombetare te Barnave, Besnik Jakaj. Sipas tij, nje tjeter nisme e ketij viti ka qene edhe hapja e nje numri jeshil, per te gjithe qytetaret te cilet te mund te pyesin per nje medikament, efektet anesore apo edhe perdorimin e tij. Per sa i perket medikamenteve apo ruajtjeve te tyre, shqiptaret nuk kane kulturen e duhur. "Shqiptaret nuk kane kulturen e ruajtjes se barnave. Nese ata perdorin nje medikament apo gjysmen e tij, pjesa tjeter ruhet ne kushte aspak te pershtatshme edhe deri ne momentet kur u ka kaluar data e skadences. Eshte shume e rendesishme kontrolli i saj, pasi ilacet kane nje kohe te shkurter perdorimi" ka pohuar Jakaj. Sipas tij, eshte e rendesishme leximi i datave dhe fleteve shoqeruese si dhe pulles se sigurise e cila permban daten e prodhimit dhe te skadimit te medikamentit.

Kontrollet

Gjate vitit te kaluar Qendra Kombetare e Kontrollit te Barnave, ka konstatuar vetem dy raste te tregtimit te barnave te skaduara. Sipas procedurave te percaktuara eshte bere mbyllja e subjekteve dhe marrja e masave.