Pacolli lobon në Gjenevë

Presidenti i Aleancës Kosova e Re, Behgjet Pacolli, ka marrë pjesë në konferencën vjetore të organizatës "Human Rights Watch" në Gjenevë të Zvicrës. Në kuadër të kësaj konference, ku kanë marrë pjesë ministrat dhe kryeministrat e më se 50 shteteve, Pacolli ka zhvilluar një sërë takimesh me përfaqësuesit e atyre shteteve që ende nuk e kanë njohur Kosovën.

Pacolli, siç thuhet në një komunikatë të AKR-së, ka improvizuar një zyre në Gjenevë, ku ka zhvilluar takime me zyrtarë të lartë nga Swazilandi, Mongolia, Nepali, Bostwana e Jemeni.