Pakistan, mbi 10 persona të vdekur nga autobomba

Peshavar - Mbi 10 persona humbën jetën nga shpërthimi i një autobombe në veriperëndim të Pakistanit. Policia vendase bën të ditur se makina shpërtheu pranë një postblloku të policisë. Ngjarja e ndodhur në qytetin Pashevar, veç të vdekurve, shkaktoi edhe shumë të plagosur.

Ky sulm vjen në një kohë kur forcat e sigurisë në Pakistan kanë ndërmarrë një operacion të gjerë kundër rebelëve talebanë në luginën Suat.