Palestinezët protestë kundë bllokadës izraelite, të paktën 41 të plagosur

Grupet palestineze në Gaza janë zotuar të vazhdojnë protestat përgjatë kufirit për t’i bërë presion Izraelit të heqë bllokadën e tij dhe të lejojë rindërtimin e Gazës pas sulmit të fundit 11-ditor nga forcat ajrore izraelit. 
Sipas Aljazeera, fraksionet, të drejtuara nga sundimtarët e Hamasit në Gaza, mbajtën një konferencë shtypi në lindje të Gazës pranë gardhit izraelit, ku më parë u zhvilluan protesta, në të cilat dhjetëra protestues palestinezë u plagosën nga zjarri i hapur drejtpërdrejtë nga Izraeli. 
Në një deklaratë të përbashkët të lëshuar pas konferencës për shtyp, grupet, të cilat përfshinin gjithashtu Xhihadin Islamik, Fronti Popullor i majtë për Çlirimin e Palestinës (PFLP), si dhe fraksione të tjera më të vogla-deklaruan se okupimi izraelit duhet të mbajë përgjegjësinë për pengimin e saj në rindërtimin e Gazës dhe për bllokimin.
 Bllokada e imponuar nga Izraeli dhe Egjipti ka dëmtuar ekonominë e Gazës dhe kushtet e jetesës janë përkeqësuar në mënyrë drastike pas secilit prej katër operacioneve të gjera ushtarake që Izraeli filloi në Rripin e Gazës që nga vendosja e bllokadës.
Gjatë 11 ditëve të luftimeve në maj, Izraeli bombardoi Gazën me sulme ajrore, ndërsa grupet palestineze lëshuan raketa në Izrael. Më shumë se 250 palestinezë u vranë, përfshirë 67 fëmijë dhe 39 gra, dhe 1,710 persona u plagosën, sipas ministrisë së shëndetësisë në Gaza. Trembëdhjetë izraelitë u vranë, përfshirë një djalë pesëvjeçar dhe një vajzë 16-vjeçare