"Palet te bashkepunojne per reformen zgjedhore"

Pas publikimit te raportit te OSBE/ODIHR ambasadori i SHBA, Aleksander Arvizu, ambasadori i BE, Etore Sequi dhe ai i OSBE, Eugen Wollfarth kane deklaruar se palet politike duhet te bashkepunojne per reformen zgjedhore. "Koha per zgjedhjet e pergjithshme te vitit 2013, eshte afer dhe kjo periudhe duhet shfrytezuar per te punuar me reformen zgjedhore. Kemi pare nje proces zgjedhor te mire ne diten e votimit, por kemi pare gjithashtu edhe nje proces te komplikuar te numerimit te votave, c`ka u raportua edhe ne raport. Per kete arsye, mendoj se palet politike duhet te ulen per te punuar per kete reforme shume te rendesishme. Mendoj se kreret e partive politike, duhet te jene gati, pasi kjo duhet bere ne sherbim te vendit", tha ambasadori i OSBE-se ne nje prononcim per mediat vizive ne lidhje me raportin. Po ashtu dhe ambasadori amerikan, Arvizu ka theksuar se raporti flet per parite politike. "Ende se kam pare raportin e OSBE-ODIHR per zgjedhjet ne Shqiperi, por duke njohur reputacionin e Stonestreet dhe te ODIHR-it besoj se kane realizuar nje raport profesional dhe te qarte. Raporti flet vete edhe per rekomandimet per partite politike", tha ai. Ndersa, ambasadori i BE-se, Etore Sequi theksoi se forcat politike shqiptare duhet te respektojne rekomandimet e OSBE-ODIHR. "Sapo e kam marre raportin dhe jane 35 faqe, pres t`i lexoj sonte. Megjithate mbeshtes ate qe tha ambasadori Arvizu dhe them se forcat politike duhet te respektojne rekomandimet e ODIHR-it dhe mendoj se qellim paresor duhet te kene dialogun politik", theksoi Sequi.