Panairi i Librit në Vlorë zgjon interesin e lexuesve
Në orët e mbrëmjeve, stendat e këtij panairi vizitohen nga mjaft dashamirës të librit, të cilët interesohen për titujt e rinj, apo edhe të tituj të botuar më parë.
"Jam i interesuar për letërsinë artistike dhe më pëlqen të kem sa më shumë libra, romane, apo botime të gjinive të tjera, të cilat i lexoj me ëndje në qytetin ku jetoj, në Firence (Itali)", thotë Suloja, një-46 vjeçar emigrant në vendin fqinj.
Ndërkohë, Selimi, një shqiptar nga Tetova shprehet se Panairi i librit në këto ditë vere, në Vlorën e mbushur plot me pushues, është një gjetje mjaft e goditur. Ai përgëzon organizatorët e këtij aktiviteti, si edhe bashkinë për këtë mbështetje që u japin këtyre aktiviteteve me mjaft vlerë.
Panairi i Librit "Vlora 2011" ka shtuar më tej gjallërinë në mjediset e Skelës, që tashmë në verë shndërrohet në epiqendrën e jetës në Vlorë.
Çlirim Hoxha, drejtor i Bibliotekës Publike "Shevqet Musaraj", njëkohësisht edhe një nga organizatorët e aktivitetit, thotë se panairi është një nga aktivitetet më të spikatura të vitit, por në verë merr një dimension të veçantë për shkak të raporteve që krijohen me pushuesit.
Ai shton se, vizitorë në panair janë të gjitha kategoritë e moshave, ndërkohë që ka një shtim të dukshëm të interesit të të rinjve për të.
Panairi i Librit "Vlora 2011" zhvillohet për të 13-n herë. Në të janë përfaqësuar 50 botues nga Shqipëria, Kosova e Maqedonia, me rreth 10 000 tituj librash.
Sot në mbrëmje pritet të zhvillohet ceremonia zyrtare e çeljes së panairit, ku të ftuar do të jenë shkrimtarë, poetë, akademikë e personalitete të jetës publike nga Shqipëria dhe trevat e banuara nga shqiptarët.
Gjatë ditëve të panairit do të ketë një numër aktivitetesh, ku përfshihen edhe ato të prezantimit të krijimeve nga autorë vlonjatë, si historiani Bardhosh Gaçe, apo Miliano Stefa, Çlirim Hoxha, Hiqmet Meçaj, Myrteza Mara, Lefter Çipa, Nase Jani, etj.
Panari do të qëndrojë i hapur nga ora 18:00-24:00, për periudhën 5-12 gusht. Ky aktivitet organizohet nga Shoqëria e Librit Shqip dhe Bashkia e Vlorës, me mbështetjen e Klubit "Petro Marko", Shoqatës Kulturore Atdhetare "Ismail Qemali", shoqatës "Labëria", Qendrës Kulturore Vlorë, Bibliotekës Publike "Shevqet Musaraj", etj.
Ky aktivitet është i dyti që organizohet gjatë këtij viti në qytetin e Vlorës. Në muajin prill u përfaqësuan 40 botues me rreth 5 000 tituj. /Start/
2011-08-07 12:44
"Jam i interesuar për letërsinë artistike dhe më pëlqen të kem sa më shumë libra, romane, apo botime të gjinive të tjera, të cilat i lexoj me ëndje në qytetin ku jetoj, në Firence (Itali)", thotë Suloja, një-46 vjeçar emigrant në vendin fqinj.
Ndërkohë, Selimi, një shqiptar nga Tetova shprehet se Panairi i librit në këto ditë vere, në Vlorën e mbushur plot me pushues, është një gjetje mjaft e goditur. Ai përgëzon organizatorët e këtij aktiviteti, si edhe bashkinë për këtë mbështetje që u japin këtyre aktiviteteve me mjaft vlerë.
Panairi i Librit "Vlora 2011" ka shtuar më tej gjallërinë në mjediset e Skelës, që tashmë në verë shndërrohet në epiqendrën e jetës në Vlorë.
Çlirim Hoxha, drejtor i Bibliotekës Publike "Shevqet Musaraj", njëkohësisht edhe një nga organizatorët e aktivitetit, thotë se panairi është një nga aktivitetet më të spikatura të vitit, por në verë merr një dimension të veçantë për shkak të raporteve që krijohen me pushuesit.
Ai shton se, vizitorë në panair janë të gjitha kategoritë e moshave, ndërkohë që ka një shtim të dukshëm të interesit të të rinjve për të.
Panairi i Librit "Vlora 2011" zhvillohet për të 13-n herë. Në të janë përfaqësuar 50 botues nga Shqipëria, Kosova e Maqedonia, me rreth 10 000 tituj librash.
Sot në mbrëmje pritet të zhvillohet ceremonia zyrtare e çeljes së panairit, ku të ftuar do të jenë shkrimtarë, poetë, akademikë e personalitete të jetës publike nga Shqipëria dhe trevat e banuara nga shqiptarët.
Gjatë ditëve të panairit do të ketë një numër aktivitetesh, ku përfshihen edhe ato të prezantimit të krijimeve nga autorë vlonjatë, si historiani Bardhosh Gaçe, apo Miliano Stefa, Çlirim Hoxha, Hiqmet Meçaj, Myrteza Mara, Lefter Çipa, Nase Jani, etj.
Panari do të qëndrojë i hapur nga ora 18:00-24:00, për periudhën 5-12 gusht. Ky aktivitet organizohet nga Shoqëria e Librit Shqip dhe Bashkia e Vlorës, me mbështetjen e Klubit "Petro Marko", Shoqatës Kulturore Atdhetare "Ismail Qemali", shoqatës "Labëria", Qendrës Kulturore Vlorë, Bibliotekës Publike "Shevqet Musaraj", etj.
Ky aktivitet është i dyti që organizohet gjatë këtij viti në qytetin e Vlorës. Në muajin prill u përfaqësuan 40 botues me rreth 5 000 tituj. /Start/
2011-08-07 12:44