Panariti largohet nga LSI: Ftesë për t’u angazhuar në një detyrë të rëndësishme

Ish-ministri i Bujqësisë, Edmond Panariti ka vendosur të ndërpresë angazhimin e tij  si pjesë e strukturave të Lëvizjes Socialiste për Integrim.

Me anë të një postimi ën rrjetet socialie, Panariti u është shprehur se ky vendim vjen për shkak të një ftese për tu angazhuar në një detyrë të rëndësishme.

“Të dashur miq, kolegë dhe bashkëpunëtorë! Që nga dita e sotme kam vendosur të ndërpres  angazhimin tim si pjesë e strukturave të Lëvizjes Socialiste për Integrim, për shkak të një ftese për t’u angazhuar në një detyrë të rëndësishme”, ka theksuar Panariti.

“Me këtë rast më lejoni t’ju falenderoj përzemërsisht për këtë  rrugëtim 16 vjeçar të përbashkët, plot sfida, sakrifica dhe arritje”, ka shtuar ai.

“Duke ju shprehur mirënjohje dhe falenderim për miqësinë vlerësimin dhe mbështetjen, ju siguroj që do të mbetem miku juaj përherë”, ka përfunduar Panariti.