Panariti niset në Nju Jork, merr pjesë në Sesionin e AP-së

Ministri i Jashtëm. Edmond Panariti është nisur sot për në Nju Jork për të marrë pjesë në punimet e Sesionit të 67-të të Asamblesë së Përgjithshme të OKB-së. Gjatë qëndrimit të tij në Nju Jork, Panariti do të takohet me homologët e tij nga një sërë vendesh të Bashkimit Evropian, ato të rajonit dhe vendesh të tjera nga Azia dhe Afrika.
 

Ai do të marrë pjesë në disa veprimtari që do të zhvillohen në kuadër të punimeve të Asamblesë së Përgjithshme, si në takimin e posaçëm ministerial të Këshillit Ekonomik e Social, në takimet e ministrave të Jashtëm të vendeve anëtare të BSEC-ut, SEECP, Grupit të Miqve të Aleancës së Qytetërimeve, në atë përfaqësuesve të Unionit për Mesdheun, OBI-t, etj.
 

Gjithashtu, ministri Panariti do të takohet edhe me përfaqësues të Komunitetit Shqiptaro-Amerikan dhe diasporën shqiptare në Nju Jork për të diskutuar rreth kremtimeve të 100-Vjetorit të Pavarësisë.