Papandreu-Samaras, pritet sot emri i kryeministrit të ri
Greqi- Kryeministri grek Papandreu, gjatë takimit me presidentin Papulias dhe me kryetarin e opozites Samaras, ranë dakort për krijimin e qeverisë së re të unitëtit kombetar, gjë e cila do ta çojë shumë shpejt Greqinë në zgjedhje të reja. Papandreu u shpreh se do të japë dorëheqjen e tij, në mënyrë që të krijohet qeveria e re. Gjatë deklaratës së tij Papandreu theksoi se qeveria do të jetë e përkohshme derisa të mbahen zgjedhjet e reja në vend.
Kryeministri aktual grek do të takohet sërish sot me kreun e opozitës Samaras, për të rënë dakort se kush do të jetë kryeministri i ri, po ashtu edhe për pjesëtarët që do të formojnë kabinetin qeveritar.
Sipas analistëve grek emri më i lakuar për kreun e qeverisë së unitetit kombëtar është ai i Lukas Papadhimos, ish zv/president i BQE. Ndër detyrat kryesore dhe imediate të qeverisë së re të përkohshme do të jetë kësti i gjatë për Greqinë, dhe ratifikimi i marrëveshjes për ndihmë nga Bashkimi Europian. Duke iu referuar mediave greke, mendohet se në qeverinë e re do të marrin pjesë përveç socialistëve edhe konservatorët, Partia Ultranacionaliste, Aleanca Demokratike. Ndërkohë kanë refuzuar të marrin pjesë Partia Komuniste, Radikale dhe Demokracia e Majtë. Qeveria e unitetit kombëtar do të jetë e dyta e këtij lloji për Greqinë në 20 vitet e fundit.
Shkrime të tjera me interes: