Parlamenti serb, seancë të jashtëzakonshme për Kosovën

Beogradi këmbëngul se do të vijojë me qëndrimin e vet për të mos njohur Kosovën si shtet të pavarur, edhe pas vendimit të 22 korrikut të Gjykatës Ndërkombëtare të Drejtësisë që e cilësoi të ligjshme pavarësinë e shtetit më të ri të botës.

Gjithashtu Serbia do të vazhdojë betejën për të rihapur negociatat mbi statusin e Kosovës në takimin e ardhshëm të Asamblesë së Përgjithshme të Kombeve të Bashkuara, kohë kur presidencën e këtij organizmi e merr Rusia, aleatja e saj e ngushtë.