Parlamenti voton brenda 48 oreve dekretin per Dedjen
Parlamenti do te votoje brenda 48 oreve qe prej publikimit zyrtar te dekretit te Presidentit Topi kryetarin e ri te Gjykates Kushtetuese. Kreu i Komisionit te Ligjeve ka mbledhur ne menyre urgjente dhe jashte radhe anetaret e ketij komisioni te majte dhe te djathte per te kaluar ne seancen e sotme per votim kandidaturen e Bashkim Dedjas per pozicionin e drejtuesit te Gjykates Kushtetuese. Komisioni nuk do te zhvilloje seance degjimore per kete dekret pasi ai eshte shqyrtuar nje here gjashte muaj me pare kur u emerua anetar i Kushtetueses.
Votimi ne komision nuk pati debat gjithashtu edhe deputetet e opozites nuk e kundershtuan kandidaturen e Presidentit Topi per kryetarin e ri te Kushtetueses. Nga e hena e ardhshme Komisioni Parlamentar i Ligjeve do te nise shqyrtimin e shtate dekreteve te tjera te Presidentit tre per Gjykaten e Larte dhe kater vende ne Gjykaten Kushtetuese. Fillimisht ne Kryesine e Kuvendit do te mberrijne kater kandidatet per pozicionin e anetarit ne Gjykaten Kushtetuese. As mazhoranca dhe as opozita nuk kane shfaqur te pakten deri tani publikisht ndonje rezerve per emrat e perzgjedhur nga kreu i shtetit por demokratet thone se do tu qendrojne parimeve te tyre per te mos emeruar kandidatura politike dhe juriste qe kane marre pjese ne procese politike para viteve 1990.
Nderkohe qe Kryetari i Komisionit te Ligjeve sqaroi se lidhur me diskutimin e dekreteve te Presidentit per emerimin e anetareve te Gjykates se Larte tha se po shqyrtohen CV e tyre dhe institucioneve perkatese u jane derguar pyetjet lidhur me cdo emerim. Pas shpalljes se dekretit te Presidentit per emerimin e Kryetarit te Gjykates Kushtetuese Komisioni per Ceshtjet Ligjore Administraten Publike dhe te Drejtat e Njeriut miratoi kalimin e kesaj kandidature ne Parlament ndersa Konferenca e Kryetareve e vendosi ate ne kohe rekord ne rendin e dites se seances se sotme plenare. Dekreti i Presidentit Topi do te jete pika e tete ne rendin e dites ne punimet e Kuvendit diten e sotme. Gjashte muaj me pare Bashkim Dedja u emerua anetar i Gjykates Kushtetuese duke marre 70 vota ne Kuvend.