Partite debitore, sot thirrja e fundit

Komisioni Qendror i Zgjedhjeve pritet t'i beje thirrje sot pese partive te vogla qe nuk arriten te beheshin dot parlamentare, te kthejne fondet e marra nga ky institucion per fushate zgjedhore. Keshtu Partia Agrare Ambientaliste, Partia Demokristiane, Partia Socialdemokrate, Partia Demokracia Sociale dhe Bashkimi Liberal Demokrat, si forca politike parlamentare qe ishin, arriten te perfitonin ne total nje shume prej 12.7 milione lekesh. Por sipas Kodit Zgjedhor, klasifikimi pas zgjedhjeve i ketyre partive si joparlamentare i detyron ato te kthejne parate e marra nga buxheti per fushaten e tyre zgjedhore. Keto para duhet te ishin kthyer nga partite brenda dates 31 gusht dhe kjo nuk ka ndodhur ndonese ky afat ka kaluar. Burime bejne te ditur se KQZ pritet t'i vendose nje tjeter afat ketyre partive per te rikthyer parate e buxhetit. Ne rast se ky afat do te shkelet perseri atehere pritet qe keto parti te penalizohen sipas Kodit Zgjedhor. Ai percakton se ne rast se keto fonde nuk kthehen, atehere keto parti nuk do te marrin me financime nga buxheti i shtetit, per pese vitet e ardhshme. Po keshtu ato nuk do te lejohen te garojne ne zgjedhjet e ketij pesevjecari. Si pasoje e ndryshimit te sistemit zgjedhor ne vend, vetem pese parti arriten te klasifikoheshin si parlamentare, duke pasur mundesine te perfaqesohen me deputete ne Parlament. Vitet e kaluara, numri i partive parlamentare ka qene disa here me i madh.