PS: Qeveria, e paafte per te administruar fatkeqesi natyrore

Partia Socialiste ka akuzuar dje qeverine per indiferentizem ndaj banoreve te goditur nga termeti. Permes nje deklarate per mediat, deputeti socialist, Qemal Minxhozi, reagoi pas goditjes se termetit serish ne zonat e demtuara para nje jave ne Gjorice, Shupenze dhe Golloborde, duke theksuar se perseri banoret perjetuan nje panik te vertete. "Me shume se paniku natyror, ata ndjene mungesen e shtetit. Kane kaluar 7 dite dhe ende qeveria po tregohet e paafte per te administruar kete fatkeqesi natyrore", akuzoi Minxhozi. Sipas tij, nje vizite e shpejte e Kryeministrit Berisha, dy helikopter me makarona, oriz dhe fasule, kjo ishte emergjenca e shtetit karshi ketyre banoreve. Per kete gje, ai shtroi pyetjen se si eshte e mundur, qe ne kete situate alarmante, qeveria po qendron kaq indiferente. "Thuhet se ne terren jane derguar 400 cadra. Kjo nuk eshte e vertete. Maksimumi jane derguar vetem 10 % e tyre, nderkohe qe 150 familje, perfshi ketu femije, gra dhe pleq, po kalojne naten ne qiell te hapur. Edhe ato cadra, duhet thene se jane cadra verore, qe nuk i mbrojne te strehuarit nga shiu", tha deputeti socialist. Minxhozi shprehu sigurine se nese kjo fatkeqesi do te kishte ndodhur nje jave para zgjedhjeve, i gjithe shteti do te ishte prezent aty dhe do te plotesoheshin kerkesat e banoreve.