Partizanit i bie "vlera" e pretendentit javën e dytë

Vlllaznia ka fituar 2-1 në "Qemal Stafa", duke treguar se do të jetë ajo pretendente serioze dhe jo të kuqtë

E konsideruar si ndeshja më e rëndësishme e javës së dytë të superligës, ajo mes Partizanit dhe Vllaznisë, e zhvilluar dje në stadiumin "Qemal Stafa", është mbyllur me fitoren 2-1 të shkodranëve. Eshtë fitorja e parë për Vllazninë, që i bashkohet kështu grupit kryesues (Dinamo, Tirana, Elbasani, Apolonia), me 4 pikë të grumbulluara në 2 javë. Shkodranët e kanë diktuar ndeshjen e djeshme, pasi Partizani nuk ka pasur forcën e duhur për të marrë diçka në këtë 90-minutësh. Kapiteni Sinani e ka kaluar Vllazninë në epërsi në pjesën e parë, kurse Dhëmbi e ka dyfishuar rezultatin në pjesën e dytë, duke ndëshkuar ish-skuadrën e tij. Karapici ka zgjuar më pas shpresat e Partizanit për një barazim të mundshëm, por shkodranët janë mbrojtur mirë dhe në fund i kanë merituar 3 pikët. Vllaznia, pas barazimit me Tiranën dhe fitores së djeshme me të kuqtë, konfirmohet si një pretendente e denjë, ndërsa Partizanit i ka rënë "vlera" në javën e dytë, sepse ka zhgënjyer në "Qemal Stafa", aq sa ka krijuar idenë se fitorja në Lushnjë ka qenë më tepër një rastësi.

Në javën e dytë kanë shijuar fitoret e para edhe Apolonia, që mundi Lushnjën 2-0 në "Loni Papuçiu", si dhe Elbasani, që ka marrë 3 pikët në Vlorë, falë një goli të Merxhës në minutat shtesë.

Të shtunën kanë fituar edhe skuadrat e tjera pretendente: Dinamo, Tirana dhe Besa. Pas dy javëve të para, asnjë skuadër nuk ka arritur të marrë pikë të plota, kurse Bylisi dhe Lushnja ende nuk kanë shijuar pikën e parë. Java e ardhshme do të jetë pushim, për shkak të angazhimit të kombëtares tonë në ndeshjen eleminatore me Suedinë, kështu që skuadrat kanë 2 javë kohë të përgatiten për sfidën e radhës në kampionat.

Superliga, java e dytë

Dje

Partizani – Vllaznia 1-2

Apolonia – Lushnja 2-0

Flamurtari – Elbasani 0-1

Të shtunë

Dinamo – Shkumbini 3-1

Bylis – Besa 2-3

Teuta – Tirana 0-1

Renditja

1. Dinamo 4 pikë

2. Apolonia 4

3. Tirana 4

4. Elbasani 4

5. Vllaznia 4

6. Shkumbini 3

7. Flamurtari 3

8. Besa 3

9. Partizani 3

10. Teuta 1

11. Lushnja 0

12. Bylis 0

Kategoria e parë

Dje

Besëlidhja – Luftëtari 0-3

Ada – Burreli 0-3

Pogradeci – Kastrioti 0-1

Të shtunë

Skënderbeu – Dajti 1-0

Sopoti – Laçi 0-1

Naftëtari – Bilisht-S. 1-0

Gramozi – Tërbuni 1-0

Turbina – Skrapari 1-0