Pas shtetit, KLSH nis kontrollet te biznesi
Prej kohësh ka nisur një debat mes grupeve të interesit që përfaqësojnë biznesin dhe Kontrollit të Lartë të Shtetit. Bëhet fjalë për monitorimin e punës që kryen Drejtoria e Tatimeve në kontrollet që ushtron ndaj biznesit. KLSH ka konstatuar shkelje nga tatimet për vlerësimin që u bën bilanceve të biznesit, duke sugjeruar rishikim të tatimit dhe ndëshkimin me gjobë. Për këtë shkak, Bashkimi i Dhomave të Tregtisë e këshillon KLSH-në të mos ndërhyjë në punët e biznesit, pasi këtë funksion e luan organi tatimor.
Sipas të dhënave nga Bashkimi i Dhomave të Tregtisë, janë mbajtur 105 procesverbale të cilat kanë çuar në penalizimin e padrejtë të biznesit, për detyrime gjatë viteve 2005, 2006, 2007 dhe 2008. Vetëm për një rast të vërtetuar nga biznesi, KLSH ka kërkuar pas 24 ditësh me vonesë rivlerësimin e bilancit për një shoqëri private. Në një rast që i referohet muajit maj, biznesit i është kërkuar nga KLSH pagimi i taksave me vlerë rreth 16 milionë lekë, pasi nuk ka paguar si duhet detyrimet, në një kohë që vlerësimi tatimor e kundërshton një fakt të tillë. Pikërisht për këtë arsye reagon biznesi, pasi e shikon rolin e KLSH-së të padrejtë. Nga ana e saj, KLSH shpreh se ligji ia lejon të kontrollojë edhe bizneset, të cilat kanë pasur ndikim në funksionin e institucioneve shtetërore.
Por Bashkimi i Dhomave të Tregtisë jep një tjetër argument. Sipas pikës 1 të nenit 14 të ligjit Nr.9920, datë 19.05.2008, "Për procedurat tatimore në RSH", Administrata Tatimore është autoriteti i vetëm tatimor në Republikën e Shqipërisë, çka do të thotë që asnjë punonjës i KLSH-së apo Auditit nuk ka të drejtë të komunikojë apo verifikojë dokumentacionin dhe mjediset e tatimpaguesve (biznesit). Një tjetër nen i ligjit thotë se dokumentacioni dhe informacioni i tatimpaguesve është konfidencial. "Penalizimi i biznesit nga ana e KLSH-së, aq më tepër në kohë krize, po i shkakton kosto të panevojshme biznesit, ndërkohë që këto detyrime janë paguar", shprehet me shqetësim Bashkimi i Dhomave të Tregtisë. Ato kërkojnë nga Tatimet dhe Doganat që të reagojnë drejt në mbrojtje të kompetencave të tyre.
Sipas të dhënave nga Bashkimi i Dhomave të Tregtisë, janë mbajtur 105 procesverbale të cilat kanë çuar në penalizimin e padrejtë të biznesit, për detyrime gjatë viteve 2005, 2006, 2007 dhe 2008. Vetëm për një rast të vërtetuar nga biznesi, KLSH ka kërkuar pas 24 ditësh me vonesë rivlerësimin e bilancit për një shoqëri private. Në një rast që i referohet muajit maj, biznesit i është kërkuar nga KLSH pagimi i taksave me vlerë rreth 16 milionë lekë, pasi nuk ka paguar si duhet detyrimet, në një kohë që vlerësimi tatimor e kundërshton një fakt të tillë. Pikërisht për këtë arsye reagon biznesi, pasi e shikon rolin e KLSH-së të padrejtë. Nga ana e saj, KLSH shpreh se ligji ia lejon të kontrollojë edhe bizneset, të cilat kanë pasur ndikim në funksionin e institucioneve shtetërore.
Por Bashkimi i Dhomave të Tregtisë jep një tjetër argument. Sipas pikës 1 të nenit 14 të ligjit Nr.9920, datë 19.05.2008, "Për procedurat tatimore në RSH", Administrata Tatimore është autoriteti i vetëm tatimor në Republikën e Shqipërisë, çka do të thotë që asnjë punonjës i KLSH-së apo Auditit nuk ka të drejtë të komunikojë apo verifikojë dokumentacionin dhe mjediset e tatimpaguesve (biznesit). Një tjetër nen i ligjit thotë se dokumentacioni dhe informacioni i tatimpaguesve është konfidencial. "Penalizimi i biznesit nga ana e KLSH-së, aq më tepër në kohë krize, po i shkakton kosto të panevojshme biznesit, ndërkohë që këto detyrime janë paguar", shprehet me shqetësim Bashkimi i Dhomave të Tregtisë. Ato kërkojnë nga Tatimet dhe Doganat që të reagojnë drejt në mbrojtje të kompetencave të tyre.