Patozi: Jo gare fiktive per kreun e PD-se Rozeta Rapushi
Pas deklarates se nenkryetares se Partise Demokratike, Jozefina Topalli, se ajo nuk do te kandidoje per postin e kreut te kesaj force politike, nje gje te tille e pohoi edhe nenkryetari tjeter i PD-se. Astrit Patozi beri te qarte dje se nuk do te jete pjese e gares per liderin e ri te selise blu dhe se ajo duhet te jete e forte dhe jo nje gare fiktive. Ndersa garantoi se do te mbeshtese cdo kandidature dinjitoze, por jo sharlatanet qe perpiqen te perfitojne nga ky proces, duke nenkuptuar keshtu kandidaturen e veteshpallur pak dite me pare nga ish-deputeti demokrat, Aleksander Biberaj. “Jam pjese e pergjegjesise. Nese kryetari i partise merr persiper te gjitha pergjegjesite, sigurisht qe ne radhe te dyte me takon mua qe te marr pergjegjesite e mija. Duke e ndjere veten pjese e kesaj pergjegjesie, une nuk jam pjese e ketij procesi, nuk kandidoj per kryetar te Partise Demokratike. Por une mund te them paraprakisht qe do te vleresoj dhe respektoj cdo kandidature dinjitoze, por do te hedh poshte me neveri cdo sharlatan i cili perpiqet te perfitoje dicka ne kete proces, krejtesisht normal dhe demokratik.”, - beri te qarte dje Patozi. Sipas tij, gara per pasuesin e Sali Berishes duhet te jete e ndershme dhe se humbesi duhet te pranoje rezultatin. Ndersa theksoi se PD ne kete faze ringritjeje ka nevoje per nje gare te forte dhe reale, po aq sa dhe per “fair play”, apo per loje te ndershme. “Kryetari i ri duhet te kete nje mandat te forte dhe jo te jete nje gare fiktive. Gjykoj se puna e pare qe ben kryetari i ri, i shtrin doren bashkepunimit me rivalet e mundshem ne garen brenda llojit, nderkohe qe te tjeret duhet t’i urojne atij fitoren dhe te behen pjese e te ardhmes se PD-se”, - nenvizoi demokrati. Patozi nenvizoi faktin se do te vleresoje dhe respektoje kandidaturat dinjitoze, si pjese te kontributeve te spikatura te PD. Nga ana tjeter, numri dy i partise nuk mundi te mos deklaronte edhe preferencat per kete gare. “Une do preferoja qe kryetari i ri t’i perfaqesonte te gjitha flukset e PD qe nga themelimi e deri me sot. Kjo do te ishte e pamundur sepse kryetari i ri nuk mund te jete, Sali Berisha, i cili ne njefare menyre ka vene vulen e tij qe nga dita e krijimit e deri sot qe po flasim. Une do doja qe kryetari i ri te misheronte shumicen e ketyre cilesive”, - permendi Patozi. Per shkak se kryetari i ri demokrateve do te zgjidhet sipas parimit nje anetar nje vote, ne Partine Demokratike anetaresimet do te mbyllen, qe prej kesaj te hene. Nderkohe qe deri diten e enjte, do te priten kandidaturat per kete post, te hapur pas doreheqjes se Kryeministrit, Sali Berisha. Demokratet presin qe te perfundojne procesin e zgjedhjeve ne fund te muajit korrik ose ne fillim muajit gusht. Aktualisht nuk ka nje kandidature zyrtare te depozituar ne seline blu per garen per postin e kreut te partise dhe pritet qe lista te marre forme keto dite. Deri me sot jane veteperjashtuar, Jozefina Topalli, Ridvan Bode dhe Astrit Patozi. Por shume emra te tjere, pjese te kryesise se PD-se perfliten.