Patriarku i Aleksandrise, thirrje per paqe
Shqiperia u vleresua dje per bashkejetesen dhe tolerancen nderfetare ne vend. Vleresimet u dhane nga Patriarku i Aleksandrise, i cili ndodhet per nje vizite zyrtare ne Tirane. Gjate takimeve me Presidentin Bamir Topi, kryeministrin Sali Berisha dhe kryetaren e Kuvendit, Jozefina Topalli, Fortlumturia e Tij, Theodhori i II-te, vuri ne dukje rendesine dhe shembullin e rralle e te vyer qe sipas tij ofron Shqiperia ne tolerancen nderfetare. "Zoti eshte dashuri! Zoti eshte paqe per te gjithe, pavaresisht perkatesive te vecanta fetare", u shpreh ai gjate takimit me kreun e shtetit Topi. Gjate takimit, Presidenti e njohu me situaten me te fundit ne Shqiperi, duke vene ne dukje qe vendi yne tashme eshte nje vend i stabilizuar politikisht dhe ekonomikisht, sic e verteton edhe anetaresimi ne NATO dhe rruga drejt permbushjes se aspirates integruese per ne Bashkimin Evropian. "Nje vend ku garantohet dhe respektohet liria fetare dhe e drejta e ushtrimit te besimit, nje vend ku mbizoteron harmonia dhe toleranca fetare dhe ku te gjithe kremtojme se bashku festat fetare te njeri-tjetrit",-tha Topi. Fortlumturia e Tij, Theodhori II, vleresoi rolin e Presidentit Topi si simbol i bashkimit te popullit shqiptar duke shtuar se vizita te tilla te ndersjella, te rangjeve me te larta te udheheqesve qofte shpirterore, qofte politike, duhet te jene me te shpeshta. Ndersa gjate takimit me kryetaren e Kuvendit, Topalli e cilesoi si historike viziten e pare te ketij niveli ne Shqiperi. Nderkohe qe Ambasada amerikane, ne Tirane ka mbledhur perfaqesues te komuniteteve fetare ne vend, anetare te kabinetit qeveritar, politikane, analiste, gazetare, perfaqesues te shoqatave qe mbrojne te drejtat e njeriut, duke bere publik zyrtarisht raportin e DASH per fete, qe e klasifikonte Shqiperine si nje shembull per tolerancen fetare.