Pavarësia,Serbia u shkruan 80-të vendeve

Serbia u ka kërkuar rreth 80-të vendeve, të cilat ende nuk e kanë njohur Kosovën, që ta mbështesin në procesin në Gjykatën Ndërkombëtare të Drejtësisë ku do të trajtohet ligjshmëria e pavarësisë së Kosovës.Në një letër të ministrit të Jashtëm, Vuk Jeremiç, nga 80-të vendet, ku bën pjesë edhe Rusia, kërkohet që t'ia paraqesin me shkrim gjykatës qëndrimin e tyre zyrtar lidhur me shpalljen e pavarësisë së Kosovës."Ju ftoj që ta konsideroni parashtrimin e një deklarate me shkrim në Gjykatën Ndërkombëtare të Drejtësisë, duke shprehur qëndrimin zyrtar të vendit tuaj për këtë çështje me rëndi absoluta para 17 prillit", është shprehur Jeremiç.