Pedofili, më i kërkuari i FBI-së

Një pedofil i dyshuar ka zëvendësuar Osama bin Ladenin në listën e 10 më të kërkuarve të FBI-së.

Erik Xhastin Toth, 30 vjeçar, një mësues i një shkolle fillore private akuzohet për pornografi me fëmijë. Ai është në arrati që nga viti 2008.

FBI e ka shtuar tashmë në listën e njerëzve më të kërkuar, duke ofruar 100 mijë dollarë shpërblim për informacionet që do të çonin në arrestimin e tij.

Themeluesi i Al Kaidës Osama bin Laden ka qenë njëri nga terroristët më të kërkuar në botë, para se të vritej në muajin maj 2011 nga forcat speciale amerikane në Pakistan.