Pejë, sekuestrohen 300 gr heroinë, pranga trafikantit

Pejë - Policia e Pejës ka arritur të arrestojë një person të akuzuar për mbajtje dhe shpërndarje lëndësh narkotike. Pas një pune intensive, policia arriti të zbulojë se i riu 23 vjeçar merrej me trafikim lëndësh narkotike. Polica ka kontrolluar banesën e tij ku ka gjetur 300 gramë heroinë. Uniformat blu nuk bëjnë të ditur emrin e të arrestuarit për arsye hetimi. Ai dyshohet të jetë pjesë e një rrjeti trafikantësh.