Pekini apelon për protesta të qeta kundër Japonisë
Autoritetet kineze kanë ndërmarrë masa për të qetësuar protestat kundër Japonisë, në lidhje me ishujt e kontestuar.
Protestat e intensifikuara në fundjavë kanë kundërshtuar pretendimet e Japonisë për disa ishuj të pabanuar, që në Kinë quhen Diaoyu, ndërsa në Japoni Senkaku.
Javën e kaluar, Japonia ka thënë se ka blerë ishujt nga një pronar i tyre privat.
Protesta për ishujt, në Kinë ka pasur për javë të tëra, por njoftimi i fundit i Japonisë ka shkaktuar një valë përleshjesh.
Qeveria e Kinës ka bërë thirrje që protestat të jenë “të rregullta, racionale dhe të ligjshme”.