Pengmarrja e hoxhes, 62 vjet grupit
Redinalda Caushaj
Pengmarrja dhe me pas zhdukja pa gjurme e hoxhes se Gostivarit, Irfan Idrizi, ne muajin gusht te vitit 2002, u ka kushtuar 62 vjet burg, pese te pandehurve te arrestuar. Nderkohe qe nje i gjashte, Nagip Musliu, njeriu qe ndermjetesoi me familjen e te rrembyerit, ka fituar pafajesine pas leter-porosise te mberritur nga Maqedonia. Prokuroria kishte kerkuar denimin e tij dhe ne total per grupin 77 vite burg. Vendimi eshte shpallur dje ne Gjykaten e Krimeve te Renda, nga kreu i trupit gjykues, Bardhyl Dhama.
Pas disa shtyrjesh te njepasnjeshme dhe deshtimit te ardhjes se leterporosise ne kohe nga Maqedonia, procesi gjyqesor ka marre fund diten e djeshme. Gjykata shpalli fajtore dhe denoi me 14 vjet burg Masar Melin, kater vjet me pak Korab Melin, 12 vjet burg per Beqir Shahun dhe Basri Shahun, ndersa per Shkelqim Palushin u dhane 14 vjet burg. Leter-porosia e te afermve te hoxhes ka shpetuar nga burgu Nagip Musliun, i cili dje fitoi pafajesine, kur prokuroria kerkoi denimin me 15 vite burg. Gjashte te pandehurit u cilesuan fajtore, pasi deri ne momentet e arrestimit, ne bashkepunim me njeri-tjetrin, kane marre peng dhe me pas zhdukur pa gjurme edhe sot e kesaj dite, Irfan Idrizin, me qellim gjobevenien ndaj familjes.
Diten pas zhdukjes, sipas hetimeve te prokurorise, Nagip Musliu eshte informuar per zhdukjen e imamit, ndersa me pas eshte angazhuar personalisht me autorizimin e vellait te te humburit, Dalip Idrizi, per te kryer kerkimet, duke perfituar nje sasi eurosh, qe i duheshin per ndermjetesim. Pergjate nje viti, ai nuk zbuloi dot asgje per fatin e hoxhes se Gostivarit dhe me pas eshte takuar me Korab Melin, i cili, sipas prokurorise, i ka kerkuar 80 mije euro ne kembim te lirise se Idrizit. Por nuk eshte rene dakord me pagesen nga ana e familjes. Te pandehurit e tjere, Beqir Shahu, Basri Shahu dhe Shkelqim Palushi dyshohet se kane pasur dijeni se ku mbahej Idrizi dhe nuk kane treguar. Grupi eshte denuar per akuzat e "pengmarrjes ne bashkepunim dhe heqjes se lirise se tjetrit per perfitim", e "moskallezim krimi".
Vendimi:
Masar Meli, 14 vjet burg
Korab Meli, 10 vjet burg
Shkelqim Palushi, 14 vjet burg
Basri Shahu, 12 vjet burg
Beqir Shahu, 12 vjet burg
Nagip Musliu, pafajesi