Pensionet, Berisha rrezon opoziten Rozeta Rapushi
Kritika te ashpra, i beri dje ne mbledhjen e grupit parlamentar demokrat, Kryeministri Sali Berisha, qendrimeve te opozites kunder rritjes se pensioneve. Duke e cilesuar edhe nje here, si rritjen me te madhe dhe ekonomine me te mire ne vend, kreu i qeverise tha se te quash krim vendimet e qeverise per rritjen e pagave dhe pensioneve, do te thote te kesh nje shpirtkazmeri te pashembullt. “Te reagosh ne kete menyre, do te thote te shohesh boten nga “kullat e Fidelit”. Ne vend qe t’i kerkosh qeverise te beje cdo perpjekje per te rritur, te shpallesh se kjo rritje perben nje krim ekonomik, ne te vertete nuk e di se si mund tu dalesh perpara atyre qindra e mijera burrave dhe grave te thinjur, te lodhur, te cilet marrin nje pension shume me te vogel nga meritojne”, tha kryeministri para deputeteve demokrate. Sipas tij, deklaratat publike te socialisteve, jane gafa te pafalshme, sepse u thane shqiptareve se kjo qeveri po merr per rritjen e tyre 70 per qind te kursimeve te tyre. Deklarate qe kryeministri e rrezoi teresisht. “Une dua t’ju informoj ju, zonja dhe zoterinj deputete, dhe mbare shqiptaret, se ne menyre absolute kjo qeveri qe kur ka ardhur ne pushtet nuk ka prekur qofte edhe nje qindarke te vetme per rrogat dhe pensionet nga kursimet e tyre, cka e kane bere paraardhesit tane cdo vit. E quajta gafe, sepse po te jete shpirtligesi nuk njeh asnje kufi”, shtoi Berisha. Ne kete kuader, ai ftoi deputetet socialiste, qe ti referohen te dhenave te bankave, si dhe Komisionin e Ekonomise te marre cdo te dhene per cdo qindarke te ardhura dhe pastaj te thote se po rriten pensionet dhe rrogat duke perdorur kursimet. “As edhe nje qindarke e vetme”, sqaroi kryeministri. Sipas tij, nuk eshte se koherat e krizes jane kohera lumturie, por realisht ekonomia shqiptare eshte ne rritje si asnjehere tjeter. “Dua t’ju njoh me bilancin e 6 mujorit. Eksportet “Made in Albania” per 6 mujorin e pare te 2010 jane rritur ne 39 miliarde e 545 milione, ndersa ne 6 mujorin e pare te vitit 2009 keto kane qene gjithsej 15 miliarde e 270 milione. Pra pothuajse jane trefishuar. Ne qofte se ne 6 mujorin e vitit te kaluar eksportet “Made in Albania” perbenin 15 miliarde e 270 milione, nderkohe qe eksportet dhe ri-eskportet ishin dy here me te medha, perbenin 32 miliarde e 236 milione. Pra vendimi i mazhorances per te rritur rrogat dhe pensionet bazohet dhe mbeshtetet fuqishem nga treguesit ekonomik te vendit”, informoi kryeministri. Nga ana tjeter, kryeministri vleresoi ne vitin e pare te pervjetorit, koalicionin qeverises PD-LSI, si me te shkelqyerin e mundshem. “Pershendes ne emer te mazhorances te gjithe ata drejtues, veprimtare, te forcave politike te ketij koalicioni per vendimin e shkelqyer qe moren nje vit me pare per t’i dhene vendit qeverisjen me spektrin me te gjere te mundshem, per te mobilizuar ne qeverisje forcat me eficente”, vijoi Berisha.
Berisha krahason PS me vuvuzelat
Duke komentuar ndeshjet e boterorit 2010 qe zhvillohet ne Afriken e Jugut, Kryeministri Sali Berisha e krahasoi opoziten me vuvuzelat, qe po shqetesojne aq shume tifozet ne stadiume me zhurmen e tyre. Ne mbledhjen e grupit parlamentar, Berisha pergezoi te gjithe tifozet e Gjermanise, duke e vleresuar ndeshjen Gjermani-Argjentine, si me te bukuren te zhvilluar ndonjehere. “Se tani jemi ne kohen e futbollit. Nje gje kam. Ata qe se ndjekin, si puna ime, me mire te heshtin. Por disa te tjere qe po bejne vuvuzelen per gjera te tjera, ata e kane shume gabim. Ky eshte nje eveniment qe perseritet ne 4 vjet dhe ka nje tifozeri boterore. Ndaj le ti urojme tifozeve te Gjermanise per nje loje te shkelqyer, te papare. Nje mbrojtje ai ajo dhe nje sulm te papermbajtur nuk kam pare te kombinoheshin ndonjehere. Duket qe ai trajneri i tyre eshte magjistar”, komentoi duke qeshur kreu i qeverise.