Pensionet, reforme per 80 vjet
Fatjona Mejdini
Reforma ne sistemin e pensioneve ka qene dhe preokupimi i radhes i Kryeministrit Berisha, i cili e ka cilesuar si mjaft te rendesishme. Sipas tij, kjo reforme duhet te perfshije edhe pensionet private, ne menyre qe ajo te kryhet sa me e plote, duke pasur ne kete menyre dhe mbeshtetjen e opozites. Kete deklarate, kreu i qeverise, Berisha, e beri gjate konferences se zhvilluar ne 1-vjetorin e themelimit te Autoritetit te Mbikeqyrjes Financiare. “Reforma e pensioneve eshte nje nga reformat me te medha te kohes, jo vetem per Shqiperine. Nuk ka alternative tjeter vec ligjit ne kete drejtim. Fondet pensioneve private jane kusht themelor qe ne te ndermarrim me guxim, por si domosdoshmeri absolute reformen e pensioneve”, deklaroi Berisha, duke e cilesuar kete reforme si nje nga me te medhate e kohes dhe jo vetem per Shqiperine. Nisur nga kjo, Kryeministri Berisha theksoi se per kete reforme eshte i domosdoshem edhe bashkepunimi me opoziten. Ne kete kuader, Berisha u shpreh se se shpejti do te nise edhe debati me forcat opozitare, ne menyre qe te gjendet nje gjuhe e perbashket per kete reforme. Sipas Berishes, duke qene se kjo reforme do te kete nje ndikim te gjate ne kohe, atehere eshte i domosdoshem edhe kontributi i opozites.
“Ju deklaroj se ne do te zhvillojme nje debat me opoziten per te gjetur nje mirekuptim, pasi kjo reforme nuk instalohet sot per tete vjet, por per 80 vjet, ndaj dhe duhet te kete mirekuptimin me te gjere”, theksoi Berisha gjate fjales se tij.
Momentalisht ne Shqiperi jane tre institute te licencuara per pensionet private, sic eshte “Instituti Amerikan i Pensioneve Private Suplementare te Shqiperise”, ai CAPITAL dhe GARANTSIG. Por, keto institute per pensionet private nuk kane nje xhiro vjetore me shume se 300 milione leke dhe pritet qe ligji i ri per pensionet t’i fuqizoje ato. Nga ana tjeter, Instituti i Sigurimeve Shoqerore menaxhon miliarda leke ne vit. Pikerisht ne kete pike ka kembengulur dhe dje Kryeministri Berisha, teksa ka vendosur t’i jape fund kolapsit disavjecar te sistemit te pensioneve, sistem i cili eshte kritikuar jo pak nga ana e Bankes Boterore, duke u quajtur madje nje sistem i deshtuar. Prej kohesh Banka Boterore ka shprehur rezervat e saj ne lidhje me skemen aktuale te ndarjes se pensioneve. Nisur nga kjo, reforma ne kete sistem pritet te sjelle me teper modernizim dhe transparence ne shperndarjen e pensioneve.
Fondet private
Ne Shqiperi aktualisht jane tre institute te licencuara per pensionet private, sic eshte “Instituti Amerikan i Pensioneve Private Suplementare te Shqiperise”, ai CAPITAL dhe GARANTSIG. Por keto institute private jane te paperfillshme per sa i perket menaxhimit te pensioneve te vend. Keshtu keto institute per pensionet private nuk kane nje xhiro vjetore me shume se 300 milione leke.
Opozita
Reforma ne sistemin e pensioneve e premtuar dje nga Kryeministri Berisha kerkon nje bashkepunim te ngushte me opoziten. Fakti qe pensionet zene nje pjese te konsiderueshme te buxhetit te shtetit dhe se ndikimi i kesaj reforme do te vazhdoje per vite me radhe, kerkon nje konsultim te vazhdueshem dhe nje veprim te kujdesshem nga ana e mazhorances.