Rritja e cmimeve, viti 2008 me i varfer

Familjet shqiptare do ta presin naten e nderrimit te viteve me varfer se vitet e tjera. Rritja e cmimeve eshte e paperballueshme per ta, ndaj deklarojne se, gjithsesi, e kane nje rrugezgjidhje: T’i marrin ushqimet me liste. Duke lene menjane krenarine, qytetare te ndryshem shprehen per gazeten se sivjet nuk do ta mbushin tavolinen e Vitit te Ri plot. “Do te blejme gjerat kryesore, pasi nuk na e mban xhepi t’i blejme te gjitha”, thote Selim Mane, i irrituar me cmimet e shtrenjta, me te cilat perballet sa here qe ben pazarin. Ai tregon se nga dita ne dite frutat dhe perimet po rriten me nga 10 leke te reja, gje qe i rendon pa mase familjes se tij. “Te pakten, gjelin e detit po e sigurojme me shperblimin qe do te na jape qeveria. Ndersa te tjerat, do t’i perballoj vete me plaken nga fillimi deri ne fund”, thote Selimi 68-vjecar.
Selimi tregon se sapo ka blere nje kile mandarina, nje lulelaker, nje kile kastravece, domate, presh, bishtaja dhe djathe. Ka harxhuar plot 15 mije leke te vjetra. “Eshte tragjike kur e mendon se sa gjera do te me duhet te blej per naten e Vitit te Ri, kur vetem me keto artikuj une shpenzova kaq leke”, thote Selimi. Ai jeton vetem me gruan e tij, dhe thote se nuk ka asnje t’i ndihmoje. Megjithate, nuk e perjashton mundesine qe kete hall ta zgjidhe me ane te listes, edhe pse e di fare mire qe viti nuk duhet mbyllur me borxhe. Sipas tij, per nje pensionist eshte e pamundur te mbuloje shpenzimet, por gjysma e se keqes lidhet me shperblimin qe do te akreditoje qeveria per kete kategori.
Pensionistet nuk jane te vetmit ata qe jane “derrmuar” nga rritja e cmimeve. Edhe familjare te tjere, te cilet jane ne pune me rroga normale, shprehen se shpenzimet e Vitit te Ri do i lene me “pasoja”. Une kam burrin ne pune dhe djalin, por aq shume sa jane rritur cmimet, nuk do ta perballojme dot blerjen e te gjitha asortimenteve qe duhen”, thote nje mesuese ne shkollen “1 Maji” ne kryeqytet. Ajo shprehet se sa here qe ben pazarin e javes, shpenzon mbi 30 mije leke. Qytetaret shqiptare u tremben cmimeve te larta edhe per faktin se shume gjera u duhet t’i marrin te gatshme, per shkak te mungeses se energjise elektrike. “Bakllavane do ta pjek ne ndonje furre buke”, pohon Aishja, e cila ka filluar ta “shtrengoje” doren, per ta liruar me pas me rastin e festes se Vitit te Ri. Ndersa ata qe jane te besimit te krishtere, thone se, pervec vitit te ri, duhet te perballojne edhe shpenzimet e festes se Krishtlindjeve.